Cally - 西沙GO PARK Sports 正式對外開放 可透過App預約 打造成公眾面向體育學院 | 商界講呢啲
Cally
2025-01-13 02:00
字體大小
由新鴻基地產最新發展嘅西沙大型綜合發展項目，除咗早前已經開業嘅「西沙GO PARK」外，多元化戶外運動公園「GO PARK Sports」，啱啱亦正式對外開放予公眾人士預約及租用啦。GO PARK Sports佔地100萬呎，提供十幾個符合國際專業規格嘅體育設施，涵蓋熱門、城市及新興運動，俾市民培養運動嘅習慣，成為一個公眾面向嘅體育學院。
GO PARK Sports唔止提供場地租用，總監朱國庭表示，佢哋同多個體育總會及知名體育機構合作，唔單止喺呢度舉辦課程及提供唔同程度嘅培訓，共同推動香港運動精英化及普及化。
依家佢哋仲推出咗限時免費體驗及優惠活動，包括喺1月至3月期間提供免費運動試堂；首5,000名成功註冊GO PARK Sports手機應用程式嘅用戶，均可以獲得5張$20電子優惠券，可用於租用設施或參加課程；3月31日前憑推廣代碼「GOPARK2025」預訂指定常規課程，即可享受8折優惠。如果推薦朋友一齊參加同一常規團體課程完成登記，推薦人可以獲得$100優惠券，而被推薦人亦可以獲得$50優惠券𠻹！
朱國庭總監仲預告：「阿仙奴足球發展中心將會每年安排球星到訪GO PARK Sports與我們嘅學員進行互動，透過互動培養未來嘅足球人才。」難怪佢好自信咁話，GO PARK Sports適合所有運動愛好者，係促進跨代共融，一同享受運動樂趣嘅地方。
更多文章
