Cally - 春日和風花海 X 本地特色品牌 卓爾廣場「納福迎春市集」辦年貨打卡一Take過 | 商界講呢啲
Cally
2025-01-14 02:00
字體大小
大約兩個禮拜後就係大年初一，喺時候出動辦年貨！想入手特色賀年禮品嘅話，不妨到位於屯門新墟側嘅卓爾廣場，商場由即日至星期日（1月19日）舉行「納福迎春市集」，市集有各式各樣應節賀年食品、精緻禮盒、美酒、蘭花盆景及其他精選生活用品等，其中包括本地特色品牌，如人氣手作輕甜點「三木茶點」各款口味雪花酥及杏仁糖糖果禮盒、本土手作木製品牌「木表」別具風格嘅木揮春及飾品、健康食品品牌「工念養生」及「六健通」多款養生系列禮盒及有機保健品沖劑、專售日系布藝產品嘅「和調手作」各款色彩繽紛利是袋，仲有元朗老字號餅家「豐喜餅家」多款經典中式糕餅及精緻年糕禮盒等，選擇咁豐富，可以喺度一次過輕鬆入手心水特色禮品辦年貨，同時支持本地品牌，一舉兩得！
卓爾廣場喺1月20日至28日期間，會以「期間限定年宵花市」為題，由「花翡蘊」帶來象徵福氣滿滿嘅蘭花盆景，每個盆景栽均有別出心栽嘅花飾配搭，仲有賣應節年花！咁啱今年元宵佳節與西方情人節只相隔一日，卓爾廣場特別打造8呎高「花見之森」巨型花藝裝置，選用充滿春日氛圍嘅柔和粉系色彩為主調，令大家恍如置身喺都市花海中，打卡影靚相無難度！
身為The Point會員，仲可憑會員積分或場內指定消費，參加「新春祈福繩結掛飾工作坊」、「賀年馬賽克杯墊工作坊」及「春日幸運手繩工作坊」，或換領限量版「喜蛇迎春」利是封及多款精選賀年禮品。
卓爾廣場打造8呎高「花見之森」巨型花藝裝置，俾大家打卡影靚相。
最Hit
更多文章
