KellyChu - 「苦」中作樂﹕可能咖喱失收 微辛咖喱味「丁麵」停產網民難捨 | Executive日記
KellyChu
2025-02-18 02:00 HKT
字體大小
香港飲食文化多元有趣，而講到公仔麵品牌，相信唔少人都會第一時間諗到「出前一丁」，連茶餐廳都可以加錢將麵底換做「出前一丁」，就知道呢款公仔麵喺香港人心中地位。但最近有網民指出，日清已經停產其中一款經典口味「微辛咖喱味」，為食妹Kelly同大家一樣都覺得好唔捨得，唔單止係因為咖喱味好味，仲有好多回憶喺裏面呢。
網民Yuki Ng昨日喺Facebook「香港即食麵/杯麵分享群組」貼出日清食品（香港）客服嘅書面回覆，內容指「出前一丁微辛咖喱味產品現已停產及停止發售，我們建議閣下可嘗試出前一丁泰式青咖喱味。」佢喺帖文坦言好唔開心，表示「真心覺得咖喱味好好食」，並質疑既然品牌仍有推出類似嘅「咖喱拉麵」，點解唔再生產咖喱味公仔麵，問道「個味粉唔係一樣嘅咩？」
不少網友認同咖喱味係出前一丁咁多款口味中較出色一款，有人話咖喱味一煮就全屋都好香，又端出權宜之計「我而家為（唯）有食麻油味再自己加咖喱粉」，有人則大膽估計「可能咖喱失收」。至於客服建議轉購嘅泰式青咖喱味，大家更一致表示唔好食，睇嚟各位成員對公仔麵都真係相當講究。
現時日清食品官網嘅產品列表上，已經搵唔到「微辛咖喱味」；連鎖超市網店上嘅「微辛咖喱味」亦均已告售罄，或直接以「泰式青咖喱味」取代。雖然出前一丁時有推出新口味，但好似麻油味、海鮮味、雞蓉味等經典款式，卻始終有不可動搖地位，而小妹咁多年嚟亦都只食麻油味，唔知各位讀者最鍾意嘅口味又係邊款？
KellyChu
出前一丁「微辛咖喱味」。
最Hit
薛家燕大方回應前一姐求原諒！信錯好友蝕百萬重遇好尷尬：好大打擊，真係好慘
2025-02-22 23:00 HKT
關德興契女入行半世紀受視后影響立志做甘草 超強背景無助演藝路：從來唔覺係優勢
2025-02-22 14:55 HKT
深水埗潮汕牛火鍋放題 $298無限時任食吊龍/雪花 訂座免加一+送海鮮拼盤 長者額外8折！
2025-02-22 11:00 HKT
更多文章
