KellyChu - 「天空之眼」俯視眾生 神似經典廣告「睇實你」 | Executive日記
KellyChu
18小時前
字體大小
將軍澳跨灣大橋上空，近日驚現一對「天空之眼」，喺空中以凌厲嘅目光俯視眾生。有市民影到並上傳到社交平台，引起熱議。有人就話，睇落似上世紀80年代推出、以怒目阻嚇亂丟垃圾嘅清潔香港經典廣告，經典台詞：「亂拋垃圾，人見人憎」。
樓主「天空之眼」為題，喺Facebook群組上載2張喺將軍澳海濱長廊拍攝嘅相片。相中嘅雲朵，睇落似一對眼睛，眼珠與眼眉齊備，目光令人不寒而慄。不少網民被「天空之眼」吸引，紛紛留言。有人就上載80年代清潔香港運動「怒目而視」嘅宣傳相，指呢個當年新聞處創作總監許敬雅（Edward Arthur Hacker，英籍插畫師）創作嘅平面廣告相，同網友影到嘅「天空之眼」相似。唔少網友都好有共鳴，話：「我都想起呢雙眼睛」、「呢雙雪白亮麗嘅眼睛」。
另外，網民亦透露：「經典卡通人物『垃圾蟲』都係佢（許敬雅）設計。記得當年反派『垃圾蟲』非常受市民歡迎，有啲似漢堡神偷成日被人追……」。
KellyChu
更多文章
