郭志仁 - 名牌手袋 | 九宮格
郭志仁
2025-03-28 02:00 HKT
字體大小
每位女士身邊，總有一位對名牌手袋及奢侈品，毫不認識或一知半解的男士。輕則鬧出笑話，重則引發爭吵。
Y先生就是一例。同事問：「你買咗咩生日禮物俾女友？」他自信答：「嗰個Pizza袋囉，L字頭個牌子，我學極都唔識讀。」同事一臉茫然，幾秒後，一位女同事終於突破盲點：「你係咪講Loewe個Puzzle袋？」Y才恍然大悟：「唔係叫Pizza咩？」瞬間成為公司笑話。
P先生也不遑多讓。有次陪女友逛街，女友說要去Hermès幫手袋配絲巾。他不明所以，還裝有型問店員：「有冇啱我女朋友用嘅絲巾？唔用嘅時候可以掛喺個袋度。」店員愣住，女友立即尷尬糾正：「係買嚟襯個袋，唔係我！」P後來才知道，絲巾是用來裝飾手袋手柄，避免磨損之餘還增添美感。
以上都是無傷大雅的趣事，D小姐的經歷則引來一場小爭吵。她珍藏的一條Hermès絲巾，那是畢業後第一份工作，表現優異獲上司贈送的禮物。平時工人小心保養，但早前工人放假，老公竟把絲巾和衣服一起丟進洗衣機，結果絲巾縮水變形，老公卻理直氣壯：「你又唔早啲講！咪買條新嘅俾你囉！」D更加氣憤。
幸好老公最後知衰，知道太太喜歡Chiikawa，上星期便早早起床，跑到尖沙咀排隊兩小時，搶購近期極受歡迎的周大福聯乘Chiikawa串飾手繩和吊牌。D以為售罄，要等五月再搶購，原來老公已靜靜把吊牌掛在手袋上。D：「算你啦，不過呢個袋都唔襯，應該掛去白色個袋嘛！」老公：「……」
「為美女，顯出身份氣勢，除了手袋，必須有位傻仔」
楊千嬅——傻仔
郭志仁
