KellyChu - 吳安儀挫世一衛冕英國公開賽 收穫22冠軍登5大最成功女球手 | Executive日記

  香港「四眼Cue后」吳安儀喺剛過去嘅周日,出戰英國女子桌球公開賽決賽,激戰7局後,以4︰3險勝世一勒查諾,成功衛冕。收穫第22個排名賽冠軍後,34歲嘅吳安儀,追平名宿希莉耶德,成功躋身女子桌球史上最成功球手頭5位,小妹覺得實至名歸!

  吳安儀過關斬將後,決賽遇上好友兼一姐勒查諾。吳開局手風大順,領先局數3︰0,一姐之後立即上力,連贏3局追平局數3︰3。不過,吳決勝局調整心態,最終以68︰36再下一城,以局數4︰3取勝封后成功衛冕。此外,吳安儀喺8強擊敗另一港將蘇文欣嗰陣,曾一cue打出113度,亦是本屆賽事最高紀錄。

  吳安儀賽後喜言:「我喺今屆賽事嘅狀態唔錯,尤其曾打出一cue113度,同時贏得今屆賽事最高度數獎。最主要係放得開去打,因為早前已落實取得重奪WST(世界巡迴賽)職業賽資格,而且出發前,落實桌球未來2年繼續成為體院A級精英項目,所以壓力減輕唔少。」

KellyChu

更多文章