英國情人節賣 18 million 張卡！走進情人節卡海
移英港媽生活分享
2022-02-06 09:04
字體大小
英國人是數一數二熱愛寫卡的民族，聖誕生日結婚生 B 送卡，升職喬遷送卡，貴為年中另一盛事的情人節，自然是情人節卡晒冷的日子。未到 2 月，已經可以感受鋪天蓋地嘅情人節卡攻勢，賀卡禮品專門店、超市、郵局醫院便利店隨便任何一處有卡賣的地方情人節卡都已經登場。大型超市如 Tesco Extra 更有整整 3、4 行專賣情人節卡，好誇張。
英國人講心唔講金 (哈，純粹講笑)，不過可以幾肯定，就算有份禮物或者有扎花在手，英國人還是會買多張卡，加強心意。據英國賀卡協會年報統計，在 2020 年的情人節，英國共賣出一千八百萬張情人節卡 (18 million)，單是花在情人節卡上的總消費就高達四千七百萬英鎊 (47 million GBP)，數字驚人。
看看情人節卡的款式繁多，大大個心心、LOVE、loving you 字樣固然海量，有不少亦大搞美食 perfect match 喻意一雙一對，如 bread & butter、fish & chips、bacon & egg，亦有趣味性的 Fancy the pants off you，各適其適，總有一款啱你另一半。
情人節卡不少都受眾清悉，有專為情人如丈夫、妻子、男友、女友、另一半 (partner)、同性密友，但亦有特別送給閨密、朋友，仲有給兒子、女兒、爸媽的情人節卡，難怪卡通人物 Minions、Peppa Pig 都成為卡主角。
想再浪漫啲？可以到南部 Wiltshire 一個名為 Lover 的小鎮寄出。每年 2 月，Lover 小鎮會有 pop up post office，呢度寄出的情人節卡會蓋上「LOVER」郵戳，滿滿愛意。
(https://lover.org.uk/)
更多文章
