自然教育徑 + 濕地公園睇雀 英國版米埔步行徑
移英港媽生活分享
2022-04-10 08:30 HKT
字體大小
踏入 4 月，天氣無咁凍，好天日子也較多，今次約齊朋友來到這 Attenborough Nature Reserve 走走。這個自然保育區就在運河旁邊，周末有不少人自攜架生玩直立板，河邊泊滿唔少 long boat，有些是兜遊客生意的，有些則是河邊居民自置自住，看起來有幾分歐洲版大澳的感覺。
保育區有 145 公頃，包括多條自然步行徑、濕地區、小樹林，亦是觀鳥勝地，即刻令我諗起米埔！沿途不時有雀鳥、昆虫介紹，更設有專門追蹤鳳頭潛鴨、雲雀、翠鳥的不同路線，就算沒有特別偏好，隨著自然徑走，一邊河景、一邊林景，加埋雀仔聲，加上路途平坦，行行下又有天鵝、白鷺、不同種類的鴨子，hea 住行好舒服。
英國人向來喜歡觀鳥，朋友說這兒是很多候鳥避寒的地方，雀仔種類夠晒多，因此吸引唔少觀鳥發燒友前來，湖邊仲設有觀鳥小屋，有座位俾發燒友靜靜觀鳥，唔少更帶齊長鏡、望遠鏡等架生，一坐便是幾小時。
行到最後才是遊客的最大影相位，可以近距離看到湖上的海鷗、水鴨、飛鳥，湖邊更有十幾隻肥鵝集體休息，非常可愛。呢度仲有間 Café，座位對正湖景，最啱飲杯咖啡食件蛋糕小休，還可以買少少紀念品再回程，輕輕鬆鬆玩半天。
最Hit
關德興契女入行半世紀受視后影響立志做甘草 超強背景無助演藝路：從來唔覺係優勢
2025-02-22 14:55 HKT
薛家燕大方回應前一姐求原諒！信錯好友蝕百萬重遇好尷尬：好大打擊，真係好慘
2025-02-22 23:00 HKT
深水埗潮汕牛火鍋放題 $298無限時任食吊龍/雪花 訂座免加一+送海鮮拼盤 長者額外8折！
2025-02-22 11:00 HKT
更多文章
