【英國置業】親身經歷分享：入住新樓 3 大激心位
唔經唔覺入住這個 new built 新屋苑已經一個月了，好想綜合一下呢個月令我又愛又恨又煩人的激心位。
1. Postcode Google map 無資料
沒錯，這是很多 new built 常見的問題。由於 postcode 未在 Google map 顯示，即是說好多送貨物流公司、Amazon、IKEA、超市等等送貨都會打俾你話搵唔到你地址喎！就這樣，我連續兩星期不時接電話，重覆 N 次教司機 Search 個樓盤項目名稱或者sales office個postcode，再教佢哋在入口處點樣行。曾經試過因為無接到電話，床褥公司話司機搵唔到地址，已經把床褥送返公司，等咗半天得個吉！
2. 欠收垃圾
英國的家居垃圾都係每星期收取一次，由大型垃圾車處理，一個星期處理recycle環保垃圾箱，另一星期就收取household waste一般垃圾，即係垃圾隔個星期倒一次，可想而知，大家有幾期待收垃圾日！新屋苑 council 常常因為未 update 個系統，又或者收垃圾團隊唔覺意無兜入你條街，而導致無倒垃圾。而我哋總共試個 2 次即 3 星期沒有倒recycle環保垃圾箱 ，紙皮堆到滿瀉，唯有一次又一次上council網頁報告missing bin collection，等佢地下次真係做嘢。
3. 寬頻訊號可以好差
大家都知英國寬頻網絡與速度不能與香港相比，而好多新樓盤原址之前係一片荒野，又或者係長期荒置的建築物，好多broadband網絡之前都未必有好好 cover，因此就算我用同一間名牌broadband公司，同一個plan，在新屋同舊屋network都有好大分別，前者明較差。本來打算安裝alarm公司的video door bell，都因為訊號太差connect唔到上 system，現在仲搵緊解決方法。當然，如果已經無約在身，可以比較下邊間broadband公司在自己嗰區收得好啲再選擇或有幫助。
最後，如果樓盤分第一期、二期，第一期入伙的朋友就要預咗有一段時間塵土飛揚、工程車在附近來來往往，在門外修整補路，雖未至於很擾民，但當然無完全竣工咁舒泰怡人了。
以上只是少少分享，事實喺英國住上一年，已經習慣所有奇怪事都是有可能的，發完牢騷後，仍然感恩自己終於在英國有個家。
