曾華倩12年前訪問昔日情敵片出土！再次碰頭句句有骨 劉嘉玲：你甩到梁朝偉係福份
發佈時間：18:30 2023-02-16
曾華倩近日開設小紅書帳號分享不少舊照，日前情人節她上載與前男友梁朝偉的舊合照，留言表示：「今天，特別的日子，就給大家看看我的初戀情人！看到現在他的成就……真心替他高興！」結果卻引起網民圍剿直斥曾華倩EQ低，認為她多年來不忿梁朝偉疑似移情別戀。
當年盛傳劉嘉玲介入二人關係，導致曾華倩與梁朝偉分手收場，但其實劉嘉玲曾多次否認做第三者，她多年前作客《最佳女主角》受訪表示，當年曾華倩與梁朝偉經歷過三離三合，梁朝偉當年跟很多女士拍拖，之後才跟她交往，又指不想跟大眾解釋太多內情，曾華倩、梁朝偉與她知道即可。但曾華倩則似乎多次有意無意地暗示劉嘉玲插足她與梁朝偉的關係，即使同場都表現得非常尷尬，引起不少揣測。
【相關閱讀】：57歲曾華倩懶理晒梁朝偉合照被圍剿 素顏跑步零濾鏡無懼眼袋皺紋暴現
【點擊睇曾華倩12年前訪問劉嘉玲句句有骨】：
日前曾華倩情人節大晒與梁朝偉的情侶照被批評後，有內地網民重溫她2011年在TVB節目《May姐有請》訪問當時剛榮升金像影后的劉嘉玲，不少網民都覺得這對昔日情敵碰頭氣氛表面歡樂，實質非常尷尬，更質疑二人對談句句有骨。曾華倩與劉嘉玲是同屆TVB藝訓班同學，當年曾華倩與吳君如關係較為要好，她大爆當年二人經常打量劉嘉玲的身材，認為身為蘇州姑娘的劉嘉玲天生麗質：「當時唔敢同你一齊換衫，會自卑。」主持兼前TVB高層馮美基在旁稱：「你哋3個當時幾老友㗎我記得！」曾華倩則尷尬回應：「係呀……嗰陣時係幾老友㗎……哈哈！」劉嘉玲即打完場：「而家都好老友！」之後又大談當年讀藝訓班時對劉嘉玲的印象：「我哋嗰陣時十幾歲，（劉嘉玲）都係比我哋成熟啲㗎！」未知劉嘉玲是否聽者有意，以為曾華倩暗寸她當年外貌比同齡女子老，劉嘉玲冷淡回應：「哦……係呀？」雖然曾華倩再兜去大讚劉嘉玲的當天的衣著高貴，但劉嘉玲已疑似開始黑面。
之後談及梁朝偉的話題，曾華倩與劉嘉玲之間更是火花四起，例如叫劉嘉玲吃帶子催當時仍是新婚的劉嘉玲生子，劉嘉玲都尷尬回應：「我？我而家先開始會唔會遲咗啲呀？你嗰個都已經可以陪你行街。」曾華倩則拍劉嘉玲肩膀：「隨緣啦！」由於首輯《May姐有請》屬賀年節目，劉嘉玲都分享不少賀年時會做的事，她表示在家中擺放了桃花樹，有需要的朋友她都會邀人來兜個圈，當時已離婚的曾華倩即開玩笑表示對於劉嘉玲未邀她到家中感生氣：「唉……兒女私情呢啲我都唔諗啦！點呀，偉仔呢排好嗎？」
【點擊睇曾華倩晒與前男友梁朝偉合照被批】：
劉嘉玲談及與梁朝偉相處的生活點滴，表示二人口味不同，又希望梁朝偉保持身形不要太肥，曾華倩即表示：「佢唔好咁瘦喇！」劉嘉玲認為他的年紀不可以太瘦，但一定不可以肥，曾華倩又再次打斷劉嘉玲說話：「你咁講又唔啱喇！」劉嘉玲更疑似反白眼：「你唔明喇！」劉嘉玲強調梁朝偉要維持身形全因對工作負責。曾華倩更問到劉嘉玲，梁朝偉吃東西的速度：「我唔記得咗喇！」劉嘉玲都禁不住笑出來並拍向曾華倩的手臂。曾華倩在旁更指梁朝偉為人很挑剔，但劉嘉玲似乎都懶得再回應她，又指梁朝偉有很多生活上的事要人照顧，對曾華倩表示：「其實你都係福份嚟，我覺得你甩咗佢都係個福份，呢個係好難湊嘅細路仔嚟。」曾華倩就表示：「嘉玲，辛苦你啦！」
【點擊睇劉嘉玲梁朝偉拒生B原因】：
馮美基更大爆梁朝偉當年因做舞台劇撻着劉嘉玲而失場，她要為梁朝偉顧着拍拖缺席電影拍攝一事後侯孝賢導演解釋，曾華倩即場對劉嘉玲說：「你嗰陣咁真係唔啱噃！咁多年後你解釋吓喇！」劉嘉玲指當時全情投入戀愛，難免會影響大家的工作，更對曾華倩強調：「嗱！肯定就唔係同你一齊嗰陣時㗎，唔係嗰個階段。」曾華倩表示：「緊係啦，嗰陣佢咁鬼忙，唉……我同佢timing（時機）唔啱啫！你個時間好啲……」網民再重溫節目都表示：「好尷尬！」
【點擊睇劉嘉玲晒豪宅】：
【其他文章】：
林作被控不小心駕駛上庭極有信心 曾多次抽楊明水被網民勸：顧掂自己先
鄧兆尊買禮物畀女友4份變3份？網民笑稱早前「裁員」 大方贈店員利是金額引討論
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
