周啟生重提廿年前「楊千嬅唔適宜唱歌」論已應驗：唔好忘記實力兩字
發佈時間：19:30 2023-02-23
梁詠琪（Gigi）早前假紅館舉行一連三場的《時間遇上我們演唱會》，未料商台DJ梁文禮看畢頭場演出後，先在公開的IG帳戶大讚梁詠琪好靚，轉頭卻在私人FB帳戶撰長文狠插不論演唱會流程、編歌，抑或梁詠琪的唱功及跳舞都好差，更似「一張抹完鼻血嘅紙巾」揶揄梁詠琪其中一條裙的設計，令他全晚睇得好不安。
雖然爆出「雙面人」事件後，梁文禮已於電台節目公開向對方道歉，梁詠琪也大方認有「好大進步空間」，又着大家「放低向前行」，本來以為事件告一段落，殊不知直到今日仍繼續發酵，向來敢言的周啟生於FB發表「食垃圾論」，力撐梁文禮的批評絕對公平合理。而梁詠琪今日（23日）亦於IG親解演唱會歌衫的設計靈感。
【相關閱讀】：「雙面人」梁文禮蒲頭稱太愛梁詠琪用詞肉緊 Gigi：大家都放低向前行吧！
【點擊睇梁詠琪歌衫設計概念＋周啟生FB原文】：
周日（19日）完成三場演出後，梁詠琪休息數天便於社交網出Po，她寫道：「雖然演唱會已經完滿結束，但我都好想再次感謝各位本地設計師的用心，為演唱會每一套衫反覆修改，力求盡善盡美，為演唱會帶來最好的視覺享受……」並藉此跟網民分享一班設計師的設計靈感，打頭陣貼出被梁文禮形容為「一張抹完鼻血嘅紙巾」的長裙照，梁詠琪透露靈感源自歌曲《花火》歌詞「原來風雪可以使我堅壯使我堅強」中，如「燃燒中的花火」的意境，她續指：「服裝捕捉了最燦爛的一瞬間，把最美的停留。運用樸實的隔棉物料印染成漸變玫瑰花瓣， 用不同裁片切割營造出燃燒中的玫瑰， 仿如風雪中不斷燃燒的燦爛，孤高而美麗。」而該本地設計師Anson Lau曾為天后容祖兒、MC張天賦、梁洛施及沈月等擔任造型設計。
另邊廂，周啟生又於FB重提梁文禮狠插梁詠琪一事，他貼出一張寫住「荒謬」二字的圖，並留言：「一個DJ出post批評一個，根本唔識唱歌嘅名歌手，對我來說這是絕對公平合理的，人人也可以說自己心裏面的一番說話。最惹人爭論的，就是他用另外一個帳號，想問一問大家，身邊有幾多人有多個（過）一個帳號？一班水平低嘅人，永遠會支持同佢自己差唔多渣嘅歌手。成件事最奇怪嘅就係佢要道歉，人批評你，你批評人……何罪之有？」
豈料此Po一出引來網民熱議，有人質疑他沒看過梁詠琪演唱會，故沒有資格評論，周啟生回覆：「鍾意盲撐嘅可以自己出post，我唔會去畀意見，唔鍾意我post嘅，唔好入嚟睇，入嚟搞事嘅，我見一個踢一個」、「不要掀起罵戰……我只不過講我自己一啲意見」。對於有網民慨嘆現今香港樂壇缺乏實力派歌手，他不諱言：「一班食客，垃圾都可以吞落肚，仲邊度會有好嘅廚師？」
今日周啟生再於FB撰長文：「活在一個奇特嘅城市叫做香港，音樂藝術在流行市場裏面，其實商業佔了大部分。一個歌手會否成名，同佢本身音樂嘅能力同天份絕對不成正比例！」他表示憑自己的經驗所見，唱歌好叻或音樂造詣好高的圈中人，最後也未必成名利就。此時，周啟生又忽然提起楊千嬅：「……差不多20年前我曾經講過楊千嬅根本唔適宜唱歌！當時俾人鬧到飛起，而家人人都鬧緊佢。改變嘅並非係事實而係大家嘅心態……寄語香港嘅迷哥迷妹，再瞓身誓死保護偶像同時，唔好忘記實力兩個字，否則香港音樂界前途堪虞。」
【其他文章】：
前亞姐張珮汶宣布四年抱三 嫁馬主淡出做闊太住豪宅 BB腳頭好帶挈爹哋拉頭馬
賭王千金何超蓮淡妝入廚煮餸似模似樣 掂海鮮香料唔怕成手味獲讚貼地
吃貨橫掃曼谷丨少年食神林澄光曾形容高海寧係「便當」𡁻完唱？ 仲同森美有過金錢糾紛
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料: https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
