肥媽李鼎｜肥媽爆鼎爺出騷有火藥味兼「恰人」 拒絕除衫：我唔會賣色只係賣煮飯
發佈時間：18:30 2023-04-26
肥媽（Maria Cordero）和李家鼎（鼎爺）主持TVB新節目《肥媽李鼎》於周一晚（24日）首播，今次兩人的拍檔由譚玉瑛和陸浩明變成「A0」女神游嘉欣，雖然有網民留言覺得這配搭很新，鮮，但亦有覺得游嘉欣略嫌太「天真」，不單連糖鹽都唔識得分，更大膽對鼎爺、肥媽發問無聊問題，擺明挑戰兩位前輩的EQ，昨晚播出一集以「廚藝界的明爭暗鬥」為主題，肥媽與鼎爺大爆圈中秘聞，肥媽直認曾被人搶job，鼎爺坦言次數多不勝數，期間肥媽大爆鼎爺早年參與烹飪比賽節目時傳出「恰人」的傳聞：「聽講拍嗰集時好有火藥味，有人喊呀？」鼎爺即話：「耳聽七分假，眼見未為真。」接着游游再說：「我聽講鼎爺同肥媽唔啱牙？」鼎爺說：「係！」游游即「食花生」：「哦，認咗！」肥媽搞笑回應：「我好簡單，佢唔係我條仔，我唔係佢條菜！有咩咁唔啱啫。但人哋話我哋太和諧冇嘢睇。」鼎爺立即說：「我就除晒（脫光）都冇嘢睇，你敢唔敢除（脫光）啊？」肥媽隨笑脫：「我唔除得㗎，我咁樣已經就撐爆，如果我咁樣除咗，啲咩小姐咩小姐冇得撈啊！」但當她聽到鼎爺戲言想睇是否有這個效果，肥媽激動地說自己不會出賣色相，只會賣廚藝：「而家有人叫我除衫啊，點搞先？」
【點擊《肥媽李鼎》精彩片段】：
實這個組合曾經在清談節目《代溝關注組》上出現，當時游嘉欣是「後輩群組」，而肥媽和鼎爺則屬於「長輩群組」，在介紹兩代人「潮語」環節，游嘉欣解釋「A0（單身且拍拖次數為零）」一詞時，忽然自爆自己從沒拍過拖，隨即引來肥媽質疑：「你冇可能未拍過拖啦，你咁開放！」其後肥媽又提及在她的年代，20多歲未嫁人已算「老處女」，游嘉欣搞笑自Tag：「我就係你哋啱啱所講，廿幾歲嘅老處女喇！」殊不知竟遭肥媽「狙擊」：「未拍過拖唔代表佢係處女喎！」當日鼎爺的《阿爺廚房》與肥媽主持的《食平D》系列相同而傳出兩人不和，但其後兩人否認傳聞，肥媽揚言視鼎爺為「大佬」，二人關係似足兄妹，所以在節目上，肥媽不時以「大佬」來稱呼鼎爺，雖然不時出現互窒的場面，但鼎爺對着「阿妹」時，亦明顯「收了火」，扮「聽唔到」專心下廚，又或者一唱一和寸爆所謂的「煮食KOL」！
在節目上，游嘉欣問兩人的出騷價是否高，肥媽以高八度的聲音說：「梗係喇，你畀少個『崩』都唔會去，每個人都有自己嘅價值觀，有陣我哋唔收錢，拎埋去呢？好難用錢去衡量！」她又多次向鼎爺大派高帽：「佢呢啲就係師傅嘅做法，我呢啲都係師，不過係『師』奶嘅做法！」肥媽又自爆被人搶job，鼎爺坦言次數多不勝數，肥媽說：「有一次嗰個Job係做開，有一日老闆打嚟話阿邊個打嚟，比你平幾多喎，我咪叫佢：『咁你搵佢做』。」之後仲話原本有人邀請她到馬來西亞開演唱會，卻傳她答應了廖偉雄做嘉賓，結果被取消原本的邀請。後來她看到報道，原來有個自稱「馬來西亞肥媽」，抄她的髮型去表演而累她失掉工作。游嘉欣膽怯地問肥媽：「爆咁多嘢驚唔驚畀人話？」肥媽即說：「做娛樂圈不要怕畀人話，一定要冇人話，冇人話你係唔會紅㗎！」
今晚（26 日）播出呢集主題係「識食之人」，肥媽和鼎爺異口同聲大讚譚炳文最識食，肥媽指炳哥對佢影響好大，以前食嘢要問炳哥，身為煮得之人嘅肥媽，原來一班孫仔孫女非常嘴刁，肥媽透露有一次去會所食飯：「佢哋食咗一啖就問係咪換咗廚房，佢哋依家用眼睇，就知道係咪我煮！」肥媽笑言雖然孫仔孫女來自七個不同國家，但係佢煮嘅「免治牛肉炒薯仔」卻能滿足所有孫仔孫女口味，肥媽自豪說：「英國同美國白色嗰堆就會喞茄汁夾麵包，中國嗰啲就要嚟撈飯，印度嘅就擺啲好辣嘅辣椒落去，所以呢個餸係好百搭。」
「A0」女神游嘉欣聽到「食家」二字時，即補充指仲有另一涵意：「講起食家已經唔係食菜，係食仔同食女……」肥媽即搞笑質問鼎爺：「你食咗幾多呀？」鼎爺食咗誠實豆沙包般和盤托出：「咪舊底嗰個，同埋依家嗰個，全世界都知，我廿六歲都冇……冇……嗰種關係。」
【其他閱讀】：
吳彥祖攜妻女疫後首遊日住寺廟禪修 9歲囡囡遺傳修長基因已到爸爸心口
黃竣鋒深圳大佬B餐廳被斬案兇徒判囚10年 新相臉部疤痕明顯感謝古天樂雪中送炭
57歲梅小惠與「餅印」媽齊齊慶祝生日 單身24年最遺憾只得一段愛情
《星島申訴王》於3月1日隆重登場，節目為民請命抱不平、追蹤城中熱話，亦會搜羅溫情小故事。你申訴，我跟進，搵91999933，《星島申訴王》隨時候命！
立即報料：https://bit.ly/3IMunqd
你的獨家報料一旦被採用及報導，將獲得乙份獎品。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
