馬時亨香港情丨陳山聰唔肯洗牛仔褲被媽咪嫌臭 熱愛時尚全因母親當年暖心小故事
發佈時間：21:00 2023-05-19
由馬時亨主持的TVB節目《馬時亨香港情》將於明晚（20日）晚上9時播出第5集，今集主題講「時裝情懷」。今次馬時亨請到著名時裝設計師鄧達智（William）與自稱「成副成家都花喺買衫度」的陳山聰講時裝經。為配合主題，陳山聰刻意著靚靚亮相，身上的牛仔褲更保持近30年，還直指「好耐冇洗」，連陳媽媽也投訴是「條褲臭喇」。
【點擊睇陳山聰30年冇洗牛仔褲】：
陳山聰今次受訪，刻意扮靚出場，並開心分享身上牛仔褲的來歷：「我而家着緊嘅牛仔褲，係喺90年代尾（買嘅）。」陳山聰憶述當年自己穿了一條售價約2千多元的品牌牛仔褲到泰國旅行，其間看到一名泰籍青年穿了一條讓陳山聰「一見鍾情」的牛仔褲，陳山聰上前研究完該條牛仔褲一輪後，即決定「以褲易褲」。陳山聰笑言：「我問『你肯唔肯換吖？』我再加咗2萬銖，即場同佢換褲。呢條褲我keep咗差唔多30年，我好耐冇洗喇，一洗咗個色就走喇。」陳山聰又笑言連陳媽媽也曾投訴「條褲臭喇」，陳山聰之後還分享了對付「發臭牛仔褲」妙法。
陳山聰續指對時裝的熱愛，或多或少是受擅長做靚衫的媽咪影響，席間除分享了小時候與媽媽為他做靚衫的溫馨小故事外，更指長大後媽媽仍有繼續為他做衫：「就算我啱啱入行時，我媽咪都仲有做衫畀我。」談到家中衣物收藏數量，陳山聰笑言有過200對鞋：「我係波鞋、皮鞋、boot，總之係靚嘅鞋我都會買。著衫我唔係為咗畀人睇，我自己開心架咋。」還大談昔日到出口店尋寶歲月，以及配襯衣服心得。陳山聰又自爆為了顯示對衣服及品牌的尊重，會做出很瘋狂的行為。至於鄧達智則會大談香港時裝發展史，並肉緊謂：「香港（服裝業）曾經嘅輝煌係好多香港人唔知。」
【其他閱讀】：
薛家燕成最強女團兵工廠！Yumi鍾柔美贏人氣先跑岀 呢位新人實力外形勝COLLAR
鍾嘉欣泳裝輕露事業線晒長腿湊三子女玩水 大女愈大愈似樣獲封「迷你版嘉欣」
康城影展2023丨范冰冰透視胸形閃爆全場 鞏俐展女王氣勢不及內地花旦肚兜式旗袍？
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
