69歲鍾偉強激罕露面 撼贏張國榮後轉行賣保險 大難不死再戰《中國好聲音》爆紅
發佈時間：10:00 2023-06-08
亞洲電視前晚（6日）在大埔亞視總台舉行《亞洲電視66周年台慶》，不少昔日熟悉的面孔亦成為席上客，當中有「張國榮師兄」之稱的69歲鍾偉強（Simon）亦激罕露面，其間被司儀劉錫賢問到回到亞視有何感覺？他說：「返到嚟好有親切感，一樣咁有人情味，當然呢個廠我第一次嚟，但比我哋以前拍戲嘅9廠起碼大3、4倍。」穿黑Tee襯西裝褸的鍾偉強，頭戴黑色閃令令賊仔帽，兩邊髮鬢已變白，驟眼看更與導演杜琪峯有幾分相似。
【相關閱讀】：亞視台慶丨61歲陳庭威激罕現身 零濾鏡下狀態極好 三字形容感情狀態
【點擊睇鍾偉強近況】：
13歲便愛上搖滾的鍾偉強，自60年代開始成立樂隊玩音樂，1977年參加麗的電視（亞視前身）舉辦的《第二屆亞洲歌唱比賽（香港區決賽）》正式入行，當年他力壓同屆的哥哥張國榮成為冠軍，賽後兩人一同簽約麗的拍劇，並曾演出《電視人》、《追族》及《沈勝衣》等劇集，惜他覺得演員的生活不適合自己，加上始終無法施展其歌唱才能，於是在80年代初離開娛樂圈，毅然轉投保險行業，結果一做便是20年。
雖然已離開幕前，但鍾偉強一直沒有放棄音樂夢，曾為梅艷芳、梁朝偉等寫歌，又跟譚詠麟Jam歌，亦與圈中不少藝人有着不錯的交情。直到2003年發現有心臟病，鍾偉強需要接受搭橋手術，醫生指手術後有16%機會死亡、30%機會中風，當時他則發誓若大難不死，必定重出江湖再追唱歌夢，結果康復後便重組樂隊在廣州酒吧駐場演唱。
闊別歌壇30多年，鍾偉強2012年再於內地歌唱節目《激情唱響》亮相，並取得全國第五名。2013年中，鍾偉強獲《中國好聲音2》主辦單位邀請參賽，當時報稱是單親爸的他單拖上節目，並謂經常匿房埋頭創作，試過三日不說話，惟囡囡Sharon卻無法理解，鍾偉強說：「我想想跟我的女兒說，我不是一個不負責任的爸爸，而是我把我大部分的責任放在我的音樂上，我希望你看得到。」
最終，鍾偉強憑節目中翻唱《Rolling in the deep》及《Hey Jude》等英文經典歌曲，人氣反彈兼迎來事業高峰，帶挈他接不少電影及商演Job之餘，亦於同年底九展Music Zone舉行首次個人演唱會，之後於2015年推出首張個人專輯《三分鐘》，當中翻唱了他作給梁朝偉的《朦朧夜雨裡》。同時，早於2004年跟前妻離婚的鍾偉強，亦因參加《中國好聲音2》而與囡囡感情大躍進，他曾在訪問中表示：「以前同個女講我係歌手，佢唔信，但今次佢見證住爸爸參加比賽，開演唱會，有咁多歌迷支持，而家彼此嘅話題多咗好多，一切都好似奇迹咁發生。」
【其他文章】：
谷婭溦茶餐廳拍片遭侍應勸「熄燈」轟對方講粗口態度差 網民反應兩極
亞視台慶丨72歲李龍基未婚妻驚變大媽？自爆「見家長」成功年尾結婚低調唔大搞
蔡卓妍半透裝孖家人出遊 揭童顏秘密關嫲嫲事 Sa爸撞樣名人成焦點
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
