明星足球隊聖誕派對加阿叻生日會好熱鬧呀！陳百祥（阿叻）日前69歲牛一，向來人緣，朋友多的叻哥慶祝活動真是停不了，繼日前才飛抵韓國，與老婆黃杏秀睇紅葉浪漫慶生後，昨日就輪到一班相識多年的明星足球隊朋友鍾鎮濤（阿B）、彭健新、陳友、阿叻胞弟陳百燊、余錦基、歐瑞強及崔嘉寶夫婦等，跟他補祝生日，兼提前搞聖誕新年派對，眾人開懷豪食暢飲，場面相當熱鬧。一班老朋友和阿叻相識幾十年，當然知道阿叻向來喜歡賭波、賭馬，生日願望梗係想狗馬亨通啦，因而專誠訂製的大蛋糕上寫有代表Win的「W」，希望叻哥心想事成。
「W」大蛋糕最啱阿叻心意。除溫拿上台合唱阿倫經典名曲《知心當玩偶》外，而譚詠麟特意唱陳奕迅嘅《明年今日》送畀黃杳秀，阿叻話秀姑最愛阿倫唱出另一種風格！另阿B亦貼出「溫拿五虎」合照，阿B留言：「一起40+年，從未換過隊員，今天仍然一起唱歌，一起開心！」
