黃宇詩送《保育黃霑》有排睇谷德昭多謝霑叔塞錢入佢袋

更新時間：18:35 2021-08-26
發佈時間：02:00 2021-08-27

黃宇詩拍咗段拆盒短片。

谷德昭喺IG上載咗一套五冊的《保育黃霑》，佢多謝霑叔囡囡黃宇詩自掏腰包送贈，會珍而重之有排讀。究竟咩係《保育黃霑》? 霑叔自04年離世後，一班學者啟動「黃霑書房」計劃，花16年時間搜集黃霑歷年的專欄文章、學術論文、手稿、樂譜、傳真、信件等珍貴文獻，用黃霑留下的材料，探究黃霑行過的路。一套五冊限量1500套，盒內有黃霑曲譜原稿複製本3張、收藏編號卡，售完即止，絕不加印！

谷德昭多年前曾舉行「溝通能力即時增值」講座請咗霑叔做嘉賓。

收到厚禮令谷德昭諗起霑叔，「記起好多年前有一日霑叔無端端同我講：『肥仔，你銀行要有預咗兩年冇收入嘅儲備，呢個世界話唔埋…』，當年的我芳華正茂 😄 ，推 job 多過接 job，覺得霑叔都有啲冇解講啲咁嘢…今天就完全明白，好彩受教，疫情呢兩年先冇咁徬徨，多謝霑叔。」

另外，谷德昭又上載咗霑叔親筆創作的十四字訣，有上款德昭，下款霑叔寫於1999年，非常珍貴。