李丞責為老婆搞生日派對送驚喜 劉倩婷獲有錢有面朋友現身祝賀
更新時間：09:00 2023-02-01 HKT
發佈時間：09:00 2023-02-01 HKT
發佈時間：09:00 2023-02-01 HKT
字體大小
年初三(1月24日)係前港姐冠軍劉倩婷（Sandy）37歲生日，著名玄學家老公李丞責 (丞丞師傅)悉心為老婆安排咗個驚喜生日派對，派對上聚集唔少圈中有錢有面朋友，出席的包括甄子丹及汪詩詩、呂良偉跟楊小娟、陳豪與陳茵媺、胡杏兒及老公李乘德、黎諾懿與太太李潔瑩、還有周勵淇及向太陳嵐夫婦等。丞丞師傅準備了4個蛋糕及大束的紅色玫瑰花，𠱁得老婆好開心，給他99.9分，笑言0.1分係進步空間，留待他明年再發揮！
李丞責為老婆劉倩婷搞生日派對送驚喜，獲陳豪與陳茵媺現身祝賀。
兩公婆有唔少好朋友。
受疫情影響劉倩婷好耐冇同朋友聚會喇。
Sandy接受《星島頭條》訪問時表示：「過往兩公婆都係簡簡單單食餐飯慶祝就算，可能老公見疫情過去，就約埋啱傾嘅朋友嚟聚聚，當日係大年初三赤口日子，仍有咁多朋友賞面嚟食飯真係好開心，尤其事前完全唔知道係搞party，去到現場見到朋友漸漸到場好驚喜，佢哋都送咗貼心禮物畀我，包括花束、飾物、袋仔等。」
問到會否追個兔B嚟回敬老公？育有兩女的她卻表示未有呢方面計劃：「大女李仟辰好叻入咗漢基國際學校，𠵱家要專心照顧佢哋。今次聚會乘機同朋友交流湊女心得，得益良多。」
劉倩婷指大女李仟辰好叻，成功入咗漢基國際學校。
劉倩婷常參與慧妍雅集活動。
育有兩女嘅劉倩婷暫未有打算追多個BB。
劉倩婷好有善心，疫情下派物資。
最Hit
