鄭秀文公布7月紅館騷期 兩幼布遮身海報側裸畫面全曝光 自爆激進減肥史每日僅X小時進食
發佈時間：16:50 2023-05-04
鄭秀文（Sammi）正式宣布將於7月假紅館舉行《You & Mi 鄭秀文世界巡迴演唱會香港站 2023》，開騷日期為7月14至16、18至19、21至23日，合共8場。日前火辣演唱會海報曝光，相中鄭秀文僅以兩塊幼布條遮赤裸身軀，從官方最新發布的拍攝花絮照中，可見其側身近乎全裸，若隱若現晒出靚股與白滑大髀，既性感又有線條，旋即掀起全城哄動，連她本人也十分滿意。
【點擊睇鄭秀文性感海報】：
對於今次演唱會海報拍攝，鄭秀文也非常期待：「我今日心情又興奮又緊張，好希望拍到一輯好理想嘅海報，無論概念、造型、服飾、攝影，甚至耳環都好講究，希望帶出不一樣感覺畀觀眾，大家睇到就會明白。」並透露事前認真下了不少功夫，她說：「今日影海報呢條裙確實有少少難着，因為剪裁特別又好多元素，有舞台感、高貴感，仲有啲Punk，一套衫有咁多元素，好特別，所以我都要做好身形管理。結果無問題，已經過咗一關啦，我好滿意！」
鄭秀文坦承以前飲食比較節制，現在心態較隨意，不變的是堅持勤做運動。她續道：「我試過168（ 每天8小時進食），甚至204（ 每天4小時進食），但有時好想食都會照食！現時我好隨心，無限定一個食嘢方式。如果需要着套衫修身啲，就飲食檢點啲，如果套衫輕鬆啲，我有時會一日食三、四餐，最緊要做運動，食多啲都唔怕！」她笑言完成海報拍攝，終於可以開懷放縱一下。
談到7月紅館演唱會，鄭秀文透露除了唱歌部分外，還希望呈現不一樣的演繹方式：「我諗嚟睇Sammi演唱會嘅歌迷，心目中對呢方面都有要求，希望多啲嘢睇、多啲元素。服裝造型，我自己都好鍾意着靚衫，好鍾意Fashion，所以呢方面一定唔缺少。至於歌曲和音樂部分，我同基爵（音樂監製梁基爵）咁多年夾得好好，我哋都想做到多嘢聽和睇，我好鍾意一個演唱會內有不同元素，亦都係我自己做演唱會嘅方向。」
【其他文章】：
方媛氣質少女樣瞬間崩壞驚現雙下巴 直播帶貨遭酸民狂寸：郭富城養不起你？
朱晨麗決心與何廣沛斬纜撤離傷心地 疑搬至深井風水豪宅催谷事業
92歲黃夏蕙激罕小背心上陣派「福利」 走全黑型格風網民睇到流鼻血
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
