鄧洢玲加盟做主持唔抗拒穿比堅尼 林盛斌唔敢做「司儀界古天樂」
更新時間：19:15 2023-06-19
發佈時間：19:15 2023-06-19
發佈時間：19:15 2023-06-19
字體大小
由林盛斌（Bob）與拍檔鍾楚霖經營的娛樂公司今日在銅鑼灣舉行「棋人娛樂製作9周年慶典暨感恩午宴2023」，活動上宣布將與蔡宛珊、余迪偉、鄧洢玲（阿旦）、葉文輝（啤梨）及C君嘅老婆黃天頤等主持人團隊展開合作，其Talk show更將在馬來西亞、英國、荷蘭及內地多個城市巡迴表演。Bob表示想成立團隊多年，希望建立起網絡令客戶有更多選擇，他覺得在其他範疇未是專家，應該做主持人及司儀，自己擅長的事：「好似客戶想找演員，便會想到古天樂，因為他在電影方面是專業。」
林盛斌成立新團隊做Talk show巡演。
Bob唔敢認係「MC界古天樂」。
問他是否想成為「司儀界教父」，「司儀界古天樂」？他即推說：「好大頂帽！雖然我頭大，但呢個介別仲有好多出色的人。」Bob表示未有明確吸納對象，但想找多語言主持，笑言與余迪偉及黃天頤是醉住傾，可以更盡興及更了解。Bob否認係挖角：「大家係合作關係，冇合約上嘅衝突，我絕對唔夠膽挖角，係互相幫忙。」
而啤梨稱跟Bob曾是新城電台同事，但做主持合作很少，啤梨說：「我覺得佢間公司近年發展得好，𠵱家除咗做電台主持，唱歌暖場也可以，我都鍾意唱歌，但心態有唔同。」而阿旦坦言被Bob講到心動，感謝對方睇中她的主持能力及幕後工作，笑言有段時間大家喜歡看她穿水著，現在也不介意，最重要是靚和專業。
立刻點擊投票👉🏻https://tinyurl.com/38dfzwtv
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最Hit
