中年好聲音2丨劉威煌娶富貴老婆被封億萬駙馬！因語言暴力想放棄唱歌 重返比賽行列重視過程
發佈時間：16:00 2023-12-04
TVB節目《中年好聲音2 》在昨晚（3 日）播出一集是第五部曲「廿四強導師分組賽！致敬傳奇巨星！」，《超級巨星》出身的劉威煌早年因與富家女結婚，因而被網民封「億萬駙馬」，未知劉威煌是否受批評影響，昨晚節目中，唱陳百強《我的故事》時透露唱出他的心聲，坦言曾因語言暴力一度想放棄唱歌。
【相關閱讀】：中年好聲音2丨古淖文一改豪放式表演風格 失控爆喊惹揣測：好多人擔心我咩事
【點擊睇劉威煌《中年好聲音2》演出】：
《巨星》出身的劉威煌，參賽以來一直受到外界關注，今次憑陳百強《我的故事》獲得89 分，成為分組賽其中一名高分歌手，表現令觀眾有所改觀！今日（4日）劉威煌接受《星島頭條》的訪問，對於從參賽至今的改變，劉威煌說：「我覺得最大嘅改變係唔用一個比賽要點樣贏嘅心態去揀歌，會揀啲自己鍾意嘅，就算自己真係未必唱得咁好，只係希望可以表達到唔想為咗比賽分數，而專登去搵啲比賽歌，甚至乎就算唔適合自己，我都好想去唱，我覺得咁樣先搵到個樂趣。」再問參加《中年2》後有甚麼得着？劉威煌則說：「我諗係識咗好多同道中人，始終係人到中年，大家都好有愛，又好用心去幫助大家。以前比賽係着重勝負，但係而家心態轉換咗，比賽氣氛亦都唔同，成日會互相提點同交流心得。」至於有否想過奪冠？劉威煌坦言沒有想過：「我由頭到尾都冇諗過拎冠軍，大家都應該知道，勝負對一個比賽唔係重點，而係究竟我喺台上留低啲乜嘢，留得幾多得幾多，獎項係完全冇諗。」
劉威煌自認不是好歌手
在昨晚播出的一集，劉威煌亦有說：「好彩身邊有家人同埋朋友支持，我知道我未必係一個好嘅歌手，不過我真係好鍾意唱歌。」評判之一的肥媽鼓勵他說：「你上嗰幾集笑住咁唱歌，我話你登台呀？你冇用個心去唱，但你今日用個心去唱。如果話網上攻擊嗰啲，你一定唔會比我多！」劉威煌聽到肥媽的說話後感觸落淚，關心妍安慰他說：「做歌手係好難，我而家做緊都覺得好難，有時我哋唔係想放棄，係好多原因冇咗呢個機會，但呢個舞台畀番呢個機會你，你係依然可以發光，你要相信自己，你繼續用心去唱歌，就會有人欣賞你。」
【其他文章】：
中年好聲音2丨陳寶雄糖尿上眼獲有心人資助做手術 從未全身麻醉向親友講定遺言
中年好聲音2 丨《巨聲》隊長劉威煌捲土重來現身海選 老貓燒鬚甩咀唱漏歌詞：好緊張！
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
