同居少女諸事卜丨蘇皓兒難頂陸駿光肉麻追求 擇偶不介意年齡 反而最怕一件事
發佈時間：18:25 2024-08-16
現正於「黃Viu煲劇平台」播放的Viu Original本地原創劇《同居少女諸事卜》，故事講述三位女主角雲浩影（Cloud）、吳家忻（kayan9896）和蘇皓兒（Chloe），各具不同個性，在同一屋簷下如何面對感情問題。當中蘇皓兒在劇中飾演「男仔頭」性格，不僅一反女神形象，更糾纏於陸駿光與鄧月平的曖昧三角關係，由於她在劇中不時要被陸駿光肉麻追求，常常挑戰忍笑極限，「焗蟹」收場。
相關閱讀：都市懼集丨林柏宏黑化自己都驚 許瑋甯心寒搭的士惹共鳴
《同居少女諸事卜》三大女神多戀事？
難忍拍檔陸駿光太搞笑
蘇皓兒跟陸駿光首次合作，講述她在健身室打工，被老闆陸駿光瘋狂追求，為奪蘇皓兒芳心，陸駿光更出盡法寶，長期對她單眼放電、送花、大講肉麻說話，出盡冧功，不過無論鏡頭前後蘇皓兒似乎不太受落，她說：「同佢嘅對手戲係好難忘，因為每一場佢都chok到盡，長期對住我單眼，有場戲講我要去健身室同佢匯報公事，我講嘅對白係相對認真，但係對住佢好多時都忍唔到笑，惟有背對着鏡頭『焗蟹』，每次現場cut機之後，大家都爆笑，估唔到陸駿光平時啲戲咁認真，拍喜劇可以咁好笑。」現實中，蘇皓兒笑言可接受年紀較大的男士追求：「我接受到年紀差距，我覺得愛情唔係睇外表或年紀，而係睇內在，所以兩個人嘅價值觀同相處夾到就OK。」
蘇皓兒求神問卜找寄託
《同居少女諸事卜》以占卜為主題，那麼蘇皓兒又是否迷信的人？她表示：「呢幾年都開始會睇一啲星座命理風水嘢，但本身我都唔算太迷信，但有時生活中有啲事情改變唔到，就會靠一啲求神問卜去令自己有個寄託。試過一次有啲不實報道，自己覺得好無聊，但又有啲唔開心，都有去拜神令自己好過啲。」
其他文章：
幸福房屋事件簿丨陳庭妮睇樓遇怪事頭暈眼花速逃 蔡凡熙恨上車無懼凶宅
墨雨雲間丨吳謹言惡鬥反派後母陳喬恩 與細12年男神王星越拍檔CP感十足
不夠善良的我們丨許瑋甯自爆被融化：怎麼這麼可愛 與柯震東同場對戲好放鬆
