愛回家丨「群姐」神複製鵝太造型！周街請飲湯畀咗肉體呢個人 狂爆金句連摸大髀都學足
發佈時間：23:55 2024-08-19
今晚（19日）TVB劇集《愛．回家之開心速遞》抽水何伯與何太事件，更在劇集中加插李思捷與阮兆祥早前模仿何伯與何太，扮成鵝伯與鵝太的片段。上月娛樂新聞台主持劉倬昕在IG分享與「群姐」許思敏的合照，可見她扮成鵝太，網民等足一個月，今晚《愛．回家之開心速遞》終於看到「群姐」扮鵝太的場面！
相關閱讀：何伯450萬積蓄被傳是賣舖錢？疑曾與亡妻聯名持物業 被何太禁聲唔畀澄清
「群姐」扮鵝太現身《愛．回家》？
「群姐」許思敏本來與同事收看鵝伯與鵝太接受《慌張西望》的訪問片，更有感而發：「嗰個老伯都唔化嘅，幾十歲人仲戀愛腦。」但後來「群姐」被兒子「群腳仔」急Call指急需用錢，更揚言尋死，於是「群姐」抄足鵝太打扮，穿金戴銀又用名牌手袋，帶靚湯接近身邊所有她認識的老年男人，希望籍此幫到兒子。她更連「大龍生」羅樂林、「佳叔」鍾志光都不放過，不過她的靚湯卻被連番拒絕，最後找到新目標「根叔」劉丹。
《愛回家》玩盡何伯何太金句
何伯與何太之前接受《東張西望》訪問連爆金句，而「群姐」許思敏與「根叔」劉丹都玩盡這些金句。雖然一眾同事都質疑「群姐」是「搵老世」，更討論起「群姐」難找目標，不過有心水清的旁觀者表示有一類人最易中招：「好似鵝伯呢啲年紀」、「個老婆晨早走咗，啲仔女唔得閒陪佢，得佢自己一個食飯，有啲錢喺身，又唔使憂柴憂米啲孤家寡佬」。而「根叔」就成為了「群姐」的目標，「根叔」更爆出金句：「我一飲完你啲湯，搞到我周身㷫烚烚，而家我『發發』聲呀，我勁過好多後生仔呀」。「群姐」更拒絕想嚐靚湯的年輕男同事：「你啲後生仔唔啱飲㗎，你哋又冇錢，都畀唔到我嘅需要，行開啦」。
相關閱讀：鞋店員工與何伯何太合照掀風波 品牌急發聲明員工被停職：對該員工擅離職守發警告
阮兆祥、李思捷化身鵝伯與新鵝太？
「群姐」向「根叔」搵介紹？
何伯之前在《東張西望》透露過何太起初在街市，曾表示想透過他介紹好男人，最終何伯認為何太是好女人，因此二人開始發展。今晚《愛．回家之開心速遞》都有類似情節，「群姐」向「根叔」說：「你有冇人可以介紹畀我啫？我唔係隨便應承人㗎，我要嗰啲好似你呢啲。」之後「根叔」亦表示：「啲咁好嘅嘢，與其益人哋，不如畀我用呀？」二人更摸手仔，非常爆笑。
「群姐」疑冧掂「根叔」出錢？
「根叔」的子女獲銀行經理通知，「根叔」由一名女士陪同下到銀行，二人舉止看似親密，表示「根叔」想提早取出與家人儲起的定期存款。子女更見到「群姐」登堂入室，在客廳狂摸「根叔」大腿，而「根叔」在子女追問下，才透露想取出定期存款讓「群姐」做餐飲生意，「群姐」突然扮出口音，並表示：「我會睇住啲開支嚟做㗎喇，試吓睇吓得唔得先囉」、「我同佢發生咗啲關係，我畀咗肉體佢」，「根叔」更指過幾天會跟「群姐」註冊，面對「根叔」子女的質疑，她亦表示：「我發誓，如果我呃佢錢，我呢一世都冇發達，呢個係我最大理想嚟。」
東張西望丨何伯何太15大金句！
「根叔」被女兒提早取走存款
「根叔」大女「熊尚善」滕麗名提早一步取出聯名戶口的存款，「我信阿爸同群姐係愛情嚟㗎嘛，就算冇晒啲錢都一樣咁愛，係咪？」一眾子女更幻想出與「根叔」吵架的畫面，情節竟與《東張西望》訪問何伯何太幾乎一樣。最終大吵一架才得知真相原來是「根叔」試完「群姐」的靚湯，決定合作做補關節湯包生意，至於「畀咗肉體佢」原來是指「畀咗煲湯啲肉佢睇」，突然說話有口音只是因為近來常跟老闆談生意而被影響。
其他文章：
福祿壽訓練學院丨阮兆祥扮何太拍教釣金龜片極神似 李思捷玩盡何伯夫婦金句：斜骨能勝正
何伯夫婦回港上《東張西望》再控訴？阮兆祥「神複製」新何太激似度99%超爆笑
東張西望丨重組何伯何太相戀時間線！認識19日送10萬金鈪 未夠一個月已想拎100萬搞生意
