陳卓賢Ian拍MV踩爆結他整親腳 錄新歌有Feel起晒雞皮 爆當初並非跟Jer Stanley Tiger組小隊
發佈時間：21:15 2024-09-12
MIRROR成員陳卓賢（Ian）日前推出今年情歌系列的第4章節《鑿》，昨午他到商台接受節目《叱咤樂壇》訪問，近百Hellosss(Ian粉絲暱稱)無懼31度高溫，開遮擔櫈拎風扇一早到商台外應援，並穿Ian品牌服裝支持。Ian近12時15分乘搭七人車到達商台，見他以白色衫配棗紅色長䄂冷外套 及長褲示人，戴上眼鏡，心情大靚，並走近粉絲揮手，一眾粉絲見到偶像都起哄瘋狂大叫，數十秒後Ian便趕入直播室做訪問。
Ian 剛在7月舉行了一連七場的首個個人演唱會，主持謝茜嘉亦有到場支持，更大讚Ian 演唱會時神情輕鬆零緊張，Ian 坦言：「我又好少緊張，可能以前做運動員，打好多好大型嘅比賽好多人睇，都係Focus喺要做嘅嘢度，冇理周圍環境。其實第一場已經冇特別緊張，幾enjoyable 。」談到Ian 在演唱會非常有心派親筆信，Ian 表示是每日到場館綵排完後，新鮮滾熱辣寫的，「工作人員會話俾我知今日有咩人睇，有咩嘉賓，咁我就知道要寫俾邊個，每人嘅內容都唔同。」
至於嘉賓方便，他亦表示所有人都是自己提出的，並透過社交網DM對方邀請，很多人都是在表演當日綵排時才初次見面，感覺好像初次相識朋友一樣有點靦腆。他更透露演唱會有錄影，希望會出碟讓大家重溫，更揚言演唱會希望會有part two。
完成演唱會後， Ian未有放假，立即錄製新歌《鑿》 ，更特別飛到台灣閉關錄音，目的只為灌錄其中一節歌詞。 Ian 表示錄音時起晒雞皮，感覺非常有feel，更與監製互相對望，開心表示：「Yeah got it!! 」，相當搞笑，而有些歌詞更刻意搣甩「太Ian 」的唱腔，務求可以用唔同聲線演繹這個故事。Ian 更透露會有Behind the scene，例如有破壞間屋、打爛結他等花絮場景，他更自爆拍MV時整親隻腳，「因為結他好硬，要用『大力金剛腿』踩爛個結他時就拗親。」不過他就報平安表示已經康復了。
小組曲風跟團歌有所不同
最後，他預告情歌系列的最終章Chapter 5 將會於10月尾推出，更坦言希望可以出個人大碟，笑言連封面設計都已經諗好，「雙面碟A side 係今年推出嘅5首情歌，B side 係多年來嘅個人歌。」至於由他、Jer 、Stanley 和Tiger 組成的小組歌正在錄音中，Ian 更大爆：「其實當初我唔係呢一組，但係公司話好似第二組好啲，所以我都ok冇所謂。」他更預告接下來會先出團歌，而團歌與小組歌的分別就是12子在一起的團歌多數是勁歌熱舞，小組的曲風就會有所不同。
