《黑色月光》藏7大TVB上位新星？ 翻版楊卓娜王浩信跑出 新晉演員撞樣成爆紅出路
發佈時間：12:09 2024-10-27
【黑色月光/TVB/楊茜堯/林夏薇/台慶劇】《黑色月光》被譽為今年最矚目的TVB台慶劇之一，有楊茜堯（楊怡）和林夏薇兩大視后助陣，而TVB近年亦積極捧新星，從《黑色月光》的選角或許能看出端倪。《黑色月光》在年輕版選角上有不少新臉孔，7位都是近年備受力捧的新人，包括葉蒨文、廖慧儀、區明妙、梁超怡、林俊其、涂毓麟及黃鍵豐。《星島頭條》為大家逐個起底解構上位之路，他們亦分別受訪分享拍攝《黑色月光》的經驗。
《黑色月光》｜葉蒨文因撞樣楊卓娜彈起？
2016年落選港姐葉蒨文（Sophie）因處境劇《愛．回家之開心速遞》飾演的「Candy」而成功入屋，葉蒨文曾在TVB劇集《隱形戰隊》中被人用膠紙封口狀甚可憐的樣子，連楊卓娜都留言表示一度質疑自己正是相中人，其後楊卓娜在《愛·回家》驚喜登場，以年老版「Candy」現身葉蒨文眼前，有網民笑指葉蒨文因與楊卓娜似樣而極速彈起。今次葉蒨文「名正言順」飾演楊卓娜的年輕版，一出場已經有網民留言稱「比楊怡更加似係妹妹。」為此，葉蒨文接受《星島頭條》時表示：「其實我哋已經合作過一次，亦都好多人話我哋相似，所以收到劇本嘅時候，唔算好驚訝。但係我都要做準備功夫。」
葉蒨文飾余漫星（楊卓娜飾）年輕版：
《黑色月光》｜葉蒨文求楊卓娜點評演技
因劇中楊卓娜年輕時的篇幅不太多，為了捉緊人物個性，葉蒨文說：「我睇晒成年版嘅戲份發展，再去推敲童年會係點，跟住我都有睇返佢以前啲演出，估吓佢會點樣演出，不過我好想知道佢對我嘅演出有啲乜嘢評價，睇吓佢有乜建議畀我，當然我都好希望同楊卓娜同楊茜堯合作，唔係因為佢哋個樣似，反而係想喺佢哋身上學嘢。」
相關閱讀：黑色月光丨楊茜堯重現《宮心計》姚金鈴奸笑樣 有信心超越佘詩曼齊做「女王」？
廖慧儀飾「余滿月」（楊茜堯飾）年輕版：
《黑色月光》｜廖慧儀捲前男友自殺風波 成功解凍
2020年落選港姐廖慧儀有「狂野港姐」之稱，落選後加入TVB，曾因圈外男友感情問題，最終男友墮樓身亡，有傳廖慧儀因此未入行先被雪藏。廖慧儀近年開始較活躍幕前幕，憑著完美身段獲得參與TVB旅遊節目機會，在網上引起討論。今次廖慧儀在《黑色月光》中飾演主角余滿月（楊茜堯飾）的年輕版，更令她一擊即中，演出大獲好評。
廖慧儀坦言收到劇本一刻仍覺得不是真的被選中：「嗰陣試鏡有好多人，我唔覺得自己會被選中，仲要係女主角嘅年輕版，真係超級興奮，我仲即刻搵個戲劇老師單對單上堂。」
《黑色月光》｜廖慧儀首次拍劇獲網友盛讚
廖慧儀笑言：「收到劇本嗰幾個月，唔知點解我着啲衫同顏色都偏向深沉，仲染黑埋個頭，好似將角色融合咗喺身入面，身邊啲朋友覺得我後生咗好多。」為了在演出上與楊茜堯更神似，廖慧儀參考不少楊茜堯昔日演出：「好多網民話我哋唔似樣，所以我盡量去模仿佢笑同喊嘅表情，希望喺演技搭夠。」廖慧儀還說：「我同楊茜堯冇乜碰面嘅機會，唯一一次好似喺和合石拍嘅一場向父母躹躬戲，嗰日氣氛好嚴肅，但係交流唔多。」
對於外間讚好的反應，廖慧儀坦言是意料之外的事：「始終我哋年輕版嘅角色唔係佔戲太多，但係都有好多人講，我自己梗係好開心，呢套係我第一套出街嘅劇集，雖然我對自己冇乜信心，但係我盡量平常心去做。」
區明妙飾「余曦晨」（黃翠如飾）年輕版：
《黑色月光》｜區明妙常演學生妹 愛演戲棄女團夢
有「TVB御用學生妹」之稱的區明妙曾是家燕媽媽藝術中心學員，亦是旗下女子組合Honey Bees的成員之一，本來在2017年曾被韓國娛樂公司睇中，不過因喜歡演戲而決定放棄女團夢。
區明妙在TVB拍過很多作品，除小時候拍的《親親我好媽》、《她她她的少女時代》外，長大後曾演出《愛上我的衰神》、《你好，我的大夫》與及《婚後事》等等，去年曾入選《萬千星輝頒獎典禮2023》的「最具潛質新人」。對於今次在《黑色月光》的演出，區明妙說：「今次都冇話特別做咩準備，因為戲份唔算好多，多數出現嘅時候都係昏迷狀態，希望將來可以突破，做一啲唔使被害 可以保護人嘅角色。」
梁超怡飾「卓慧雲」（林夏薇飾）年輕版：
《黑色月光》丨梁超怡主持踩過界入劇組
童星出身的2023年前港姐季軍梁超怡有「翻版孫藝珍」之稱，當年只有6歲的時候，曾在港產片《無間道》飾演梁朝偉的女兒，在卸任前更成功跑出，獲安排拍劇及做主持工作，試過與陳懿德、陳星妤主持節目《周六聊Teen谷》，又為《慈善星輝仁濟夜》任表演嘉賓，在節目《不可能任務》則嘗試做幕後工作人員，以及在節目《身體最誠實》中與李佳芯、何沛珈及莫樹錦醫生合作。梁超怡早前更入劇組拍攝新劇《非常檢控觀》，飾演陳煒的年輕版。
《黑色月光》丨梁超怡獲林夏薇細心指導：幫咗我好多
今次梁超怡被安排飾演年輕版林夏薇，她說：「我事前有同薇薇溝通，問佢會點樣演繹，同埋我點樣演繹會比較好，本來我哋係唔會同場，但係佢知道我開工，佢會專登嚟片場搵我，話畀我知佢嘅理解係點，仲會有啲乜嘢小動作畀我去參考，佢真係幫咗我好多。爺爺鋒哥（郭鋒）都教咗我好多。」梁超怡還說：「呢套劇對我嚟講真係好有難度，同我本身嘅性格一啲都唔相似，不過我自己鍾意挑戰，而且發揮空間又好大，好感恩有呢個機會。」對於網民的評價，梁超怡說：「我覺得自己好好彩，有網民話以新人嚟講演出都唔錯，我都知道自己有好多不足，會努力去改善，但係最開心係聽到薇薇嘅評價，真係一個好大嘅動力，對我嘅肯定同讚美係好重要。」
《黑色月光》丨林俊其飾「蔣基俊」（馬志威飾）年輕版：
相關閱讀：黑色月光丨林夏薇超激床戰率先睇！挑戰性感極限 白色低胸睡衣一覽無遺
黑色月光丨林俊其身高183cm封「翻版王浩信」：富二代唔易做
有「翻版王浩信」之稱的林俊其，今次在《黑色月光》不是飾演王浩信的年輕版，反而是飾演「蔣基俊」馬志威的年輕版。
林俊其笑說：「收到呢個角色係有啲擔心，因為我有場強姦廖慧儀嘅戲，跟住又有一場同廖慧儀、梁超怡三人戲，所以事前都有約埋一齊傾。不過落場演嗰陣都有啲迷惘，因為富二代真係唔易做，不過有次我撞到馬志威，佢講咗佢對『蔣基俊』嘅諗法，幫咗我好多。」
黑色月光丨林俊其曾於《踩過界》任王浩信替身
身高有183cm的林俊其外貌激似王浩信，有人覺得他比王浩信親細佬王瑋彤更似兩兄弟，事實上兩人早年已有合作，在2017年的《踩過界》，林俊其曾做過王浩信替身，之後又在《兄弟》飾演王浩信的年輕版，林俊其亦試過在《愛·回家之開心速遞》飾演藍浩信（Signal），當時有觀眾誤以為王浩信客串《愛·回家》演出。
涂毓麟飾「朱柏中」（楊明飾）年輕版：
《黑色月光》丨涂毓麟哈羅公學「學霸」參加《全民造星》入行
在2018年參加《全民造星》出道的歌手涂毓麟（Oscar）本身是一名學霸，他曾就讀喇沙書院，其後成為香港演藝學院鋼琴系學生，師隨黃懿倫，後來考獲獎學金到英國哈羅公學讚書，並於科大修讀「神科」環球商業學以一級榮譽畢業。畢業後涂毓麟選擇在娛樂圈發展，除了唱歌，也參與拍劇、綜藝節目主持工作，發展不俗。
今次涂毓麟飾演「朱柏中」楊明的年輕版，他說：「我之前未試過演呢類角色，所以事前都有同導演傾過，佢哋想我用最真嘅感覺去演，呢個係好好嘅學習機會。網民都有send好多意見畀我，有讚有彈，我都會根據佢哋嘅意見去改善。」
黃鍵豐飾「鄺永源」（馬貫東飾）年輕版：
TVB藝訓班出的黃鍵豐，今次在《黑色月光》中飾演馬貫東的年輕版，黃鍵豐形容今次演出對他來說是個新挑戰：「呢個算係前所未有嘅挑戰，演出嗰陣試過發抖，所以喺拍攝前除咗做晒準備功夫，最緊要當然同師兄馬貫東分享大家對角色嘅設計，希望喺角色嘅心理上能夠一致。」談到劇中難忘情節，黃鍵豐說：「最難係發現俊其（年輕版蔣基俊）同超怡（年輕版林夏薇）佢哋暗生情愫，然後我要視若無睹，仲要喺眾目睽睽之下演出獸性嘅一面。」
《黑色月光》丨7位新晉藝人打頭陣成焦點
由楊茜堯、王浩信、林夏薇和黃翠如主演的TVB台慶劇《黑色月光》將於周一（28日）播出，早前內地優酷視頻已經開播，播出後更隨即成網上熱話。
《黑色月光》劇情講述主角「余滿月」（楊茜堯飾）原本有一個幸福的家庭，與大家姐「余漫星」（楊卓娜飾）和妹妹「余曦晨」（黃翠如飾）一家五口過着幸福生活，不過楊茜堯在18年前被富三代「蔣基俊」（馬志威飾）落藥侵犯，連妹妹余曦晨也遭到「鄺永源」馬貫東性侵，最後蔣基俊父親「蔣哲賢」（尹揚明飾）為了「保護」兒子，暗中收買警員莫振強（林景程飾）隱瞞真相，甚至冤枉余父坐牢，余家從此幸福不在。余滿月忍辱負重18年，以公關身份混入蔣家並展開復仇大計。
楊茜堯、楊卓娜、黃翠如、林夏薇、楊明、馬志威和馬貫東的年青版，今次找來7位TVB新晉演員演出，7名新星肩負重任，在頭10集打頭陣出場，在不同集數現身演繹當年事發經過，戲份雖不及主角多，但亦不乏發揮的機會。
《黑色月光》官方專頁：https://bitly.cx/kNhMe
其他相關文章：
黑色月光丨超激場面逐格睇！「年青版」楊茜堯黃翠如被迷姦 遭強吻畫面衝擊視覺
黑色月光丨林夏薇貴氣造型掀討論！擁超強背景祖父打過二戰 父為「廈門李嘉誠」打理生意
黑色月光丨「粗口港姐」梁允瑜谷胸破格演出！43吋長腿撩馬志威敏感部位 收集精液做一事
