東張西望丨七旬翁亡妻屍骨未寒帶細28年小三返屋企戀情被反對竟出招「逼害」女兒

更新時間：22:05 2024-10-27
發佈時間：22:05 2024-10-27

今晚（27日）播出的TVB節目《東張西望》報導，吳小姐控訴媽媽離世後不久，73歲爸爸想與細28歲的「小三」同居，因而影響父女情，更斥爸爸性情大變。其中更涉及金錢瓜葛，吳小姐指爸爸竟要她付20萬元月租，以及不願向她歸還600萬元賣樓錢，當她是仇人，認為一切紛爭都是由「小三」引起。

吳家父女因「小三」損親情？

吳小姐透露，吳媽媽於2021年4月離世，「之前我哋都係一個普通家庭，有爸爸、媽媽、哥哥同埋我，阿哥就移咗民。」而吳小姐與子女一直與父母同住，本來相安無事，但據她所指，吳媽媽屍骨未寒，73歲的吳爸爸就向女兒表示要「搵女人」。吳小姐表示：「媽咪係四月死，只係兩個月左右，我阿爸就開始講要搵女人，要搵個女人返嚟照顧佢，又話要搵個女朋友，咁我覺得好奇怪。」

吳爸爸帶「小三」回家

而兩個月後，吳爸爸真的帶了比他年輕28歲的「小三」回家，吳小姐透露：「有日佢就以為我哋冇人喺屋企，咁佢就帶咗嗰個女人返嚟，見到我……佢好愕然嘅，佢就介紹嗰個女人，我就瞪住佢，冇理佢。」吳小姐更目擊爸爸非常溫柔對待「小三」，又倒水給對方，大獻殷勤，令吳小姐難以置信：「我未聽過我阿爸會咁溫柔同我阿媽講嘢，亦未見過我阿爸會倒水畀我阿媽。」吳小姐怒火中燒，扔水杯發脾氣，更衝到客廳大罵與她同歲的「小三」。

吳爸爸不滿女兒反對其戀情

吳爸爸得知女兒反對他的戀情，並拒絕「小三」搬入家中，視女兒為仇人，吳小姐指爸爸對她充滿恨意，「變到好似惡魔咁，佢同我講嘢個樣好兇。」連吳小姐子女都指，外公性格變得很奇怪，以前非常疼錫孫女，如今卻不時大罵孫女，性情大變。吳小姐指，過去3年半捱得好辛苦，甚至懷疑自己非爸爸親生，形容爸爸迷上一個與女兒同歲的女人，非常核突。吳小姐質疑「小三」的目的，她表示：「個『小三』原來個年紀同我一樣，咁我更加覺得呢啲女人係為錢先黐埋去你度啦。我話『出面個女人係咪貪你啲錢咋，你好好睇清楚啲喎』。然後佢就話『咩人我自己點會唔知呀，都一齊10幾年。」吳爸爸甚至覺得，有錢人有多位情婦是很正常的事，吳小姐說：「話我不孝啦，話我唔接受佢個女人係我唔啱，話我唔錫佢，佢想搵個女人照顧佢，我都唔畀……我有同佢解釋，唔係唔畀你搵個女人照顧你，而係呢個係多年嚟嘅『小三』。」吳小姐認為如果接納吳爸爸的「小三」等於愧對媽媽。

《東張西望》驚現「何太2.0」？

吳爸爸要求女兒付20萬月租

而吳爸爸更因為不滿女兒反對他的戀情，而使出新招！包括不讓女兒在赤柱南灣大屋「白住」。據報導指，這間大屋約2000年購入，由一間公司所持有，而公司股東就是吳爸爸及吳媽媽，吳媽媽離世後，物業變相等於由吳爸爸一人持有，吳小姐本來打算與子女繼續在大屋居住，卻被「小三」打破寧靜的生活。吳爸爸起初要求女兒搬走，否則就需要支付每月20萬元的租金，而吳小姐為了不讓爸爸趁機安排「小三」搬入屋，她決定繼續住下去，而吳爸爸則搬走。

相關閱讀：東張西望丨李鄭屋邨驚現裸男！主持來回喪跑近10次追訪涉事大叔場面爆笑

吳爸爸出招逼走女兒

但吳爸爸沒有放棄逼走女兒，吳小姐透露，她因為要照顧女兒，只可做兼職，想搬走都要有足夠積蓄。原來大約2020年，吳小姐賣出名下物業後套現600萬元，當時吳爸爸提出，既然吳小姐將錢存做定期，不如將錢存到他的戶口：「佢話高啲利息畀我，咁我信我爸爸，亦有多啲利息，佢每個月都有畀利息我，係直到呢啲事發生，佢搬出去，仲為咗逼我搬走，想我快啲使晒啲錢，佢就開始喺啲利息度扣我間屋嘅管理費，就畀少咗我。」吳小姐認為，爸爸想令她盡快花光積蓄，難以再支付月租，吳小姐便要搬走，直至後來，吳爸爸甚至沒有再向女兒支付利息。

《東張西望》何伯再婚故事：

吳爸爸拒向吳小姐歸還600萬元

吳小姐曾向吳爸爸要求取回600萬元，「又要逼我走，又唔畀返啲錢我，嗰陣佢推三阻四，唔提啦……之後又話冇錢。」但據吳小姐指，吳爸爸公司仍然有收入，但卻拒絕還她600萬元。吳小姐透露，原來該赤柱南灣大屋已經5個月沒有供款，銀行亦曾出信給吳爸爸指將會收樓，「我阿爸就係諗，銀行收樓喇，我點都冇得住，佢亦唔會供。其實我都有諗過，其實佢都唔喺度住喇，佢都唔在乎銀行收樓。而對於個『小三』嚟講，入唔到嚟住，都唔會畀我住。」吳小姐指她已經將媽媽留給她的首飾變賣，「我唔明點解我阿爸要逼到我咁樣，就係因為呢個女人，就係因為佢要呢間屋、要錢，就要做呢啲事逼我、害我。」而明晚（28日）一集，將會有吳爸爸與女兒對質。

其他文章：

東張西望丨得獎港姐選完一個月即做「東張女神」？撞樣兩位索爆女星曾被最佳主持欽點

東張西望丨遊韓被捕港婦回家現曙光？當地華人組織列兩大重點劉太咁回應

東張西望丨40歲智障女迷戀上司債務纏身被哄騙提取強積金恐要離港：好鍾意佢，後生靚仔