汪明荃演唱會澳門站圓滿完成 同家英哥台上打情罵俏甜到爆 感謝粉絲支持陪行娛樂路
更新時間：23:15 2025-04-15 HKT
發佈時間：23:15 2025-04-15 HKT
發佈時間：23:15 2025-04-15 HKT
字體大小
《阿姐Diva汪明荃演唱會2025》澳門站日前於百老匯舞台圓滿完成，全場爆滿，場面熱鬧。Liza姐一出場先唱出《閃爍登場》和《迷人PINK LADY》，之後她說：「多謝多謝，大家好嗎？澳門嘅朋友你哋好，嚟自香港嘅朋友你哋好，嚟自內地、北京、上海、東莞、順德嘅好多好多朋友都歡迎你哋。真係好耐冇嚟澳門啦，上一次已經係隔離嘅時候，係2022年，我記得果陣時係要隔離14日先可以出嚟唱歌。」
看到舊劇照充滿回憶
她亦指：「無論喺DIVA又好，阿姐又好，汪明荃仍然係汪明荃係Liza，我都係將最好嘅一面送比觀眾，所以好希望大家今晚放開心情，好輕鬆咁聽我唱歌，同埋欣賞我哋為大家安排嘅節目。」在唱過兩首電視劇歌曲後，Liza姐說：「啱啱睇返好多舊劇照都充滿回憶，好感恩透過呢啲作品拍咗好多好嘅劇，令到大家認識我，係呢幾十年大家都好支持我汪明荃。」
家英哥唱《儂本多情》紀念哥哥
家英哥在演唱會中途登台，拿出一枝玫瑰花送給阿姐，家英哥問：「大家認為我係咪一個合格嘅老公？」此時台下掌聲不斷，阿姐：「嘩，好多人撐你呀，大家比多啲掌聲家英哥。」家英哥：「妳咁樣講法證明你有眼光搵到個好老公。」家英哥亦為觀眾帶來《儂本多情》，去紀念張國榮。
知粉絲對汪明荃有好高期望
在Encore部份，Liza姐說：「我今日係歌手，聽日可以係粵劇嘅演員，我亦都有去做一啲行政嘅工作，為業界做貢獻，每一個崗位我都盡心盡力去做，因為我知道大家對汪明荃係有好高嘅期望，有好多要求，所以我係要不斷改進同增值，係呢度要多謝你哋嘅支持，陪我一齊行呢條娛樂之路。」Liza最後與家英哥合唱《萬水千山總是情》，為今次演唱會澳門站劃上圓美句號。
最Hit
