兩餸飯熱潮退卻？逐間結業現「倒閉潮」掀熱議　網民：疫情後完成歴史任務vs汰弱留強

更新時間：18:15 2023-06-27
發佈時間：18:15 2023-06-27

兩餸飯熱潮退卻？疫情下飲食業大受打擊，惟兩餸飯餐廳逆市擴張，皆因價廉物美，而且方便快捷解決一餐一度成為疫情下的恩物。不過最近Facebook群組「香港兩餸飯關注組」有組員表示發覺近日兩餸飯店相繼倒閉，感覺兩餸飯熱潮慢慢減退，掀起網民熱議！

兩餸飯熱潮退卻？逐間結業現「倒閉潮」掀熱議

最近有網民在Facebook群組「香港兩餸飯關注組」發文，直言「感覺兩餸飯熱潮慢慢減退，而且已開始執笠潮。」關注組版主在整理「兩餸飯地圖」（齊集各區兩餸飯店資料指南）時亦曾發文表示：「近來不斷收到呢間執笠、果（嗰）間拉閘消息。」引起網民討論。

兩餸飯熱潮退卻？網民看法不同：疫情後完成歴史任務vs汰弱留強

樓主的貼文引起網民討論，有部分網民表示有同感：「只是一句：『生意難做』！」、「依（而）家有堂食大把選擇，係兩三年前無堂食兩餸飯先有運行。」、「加租人工貴水電食材，生意少啲都做唔住。」、「開到成行成市，質素保持唔到。」、「租期到通關復常業主又加租了。」、「疫情後完成歴史任務。」

不過亦有網民認為飲食業熱潮必定有高有低，疫情過後需求少了，自然「汰弱留強」：「我覺得唔係做唔住.....係之前果（嗰）輪開得太多姐（啫）」、「其實都好嘅，汰弱留強，有啲真係好難食」、「執，都係hea做嗰啲；有質素嘅，可以留低！」、「唔好食或者唔抵食嗰啲咪執，但都仲有好多兩餸飯店，汰弱留強好正常」、「耐唔耐轉下手啫，無執喎！」、「執完再開，開完又執，乃係飲食業常態。」

亦有人認為兩餸飯需求仍然大，「三、四十蚊一餐飯，有肉有菜，今時今日香港仲有乜嘢餐廳食到咁嘅性價比！」、「其實有得做，冇帶飯既番（返）工一族都要食飯，可以買番（返）上公司食，比坐入餐廳食較經濟。衹（只）係晚市可能差D（啲），都要睇地區而定。」、「經濟咁差，兩餸飯有排生存！除非質素唔得果d（嗰啲）」

有網民則用一句總結：「疫情時，雨後春筍，遍地開花；疫情後，汰弱留強，適者生存。」