東京譚仔三哥｜20+款配料唯缺「勿演」同魚蛋 依然大排長龍 那些年我們一起排隊等食的日本麵店
發佈時間：16:48 2022-11-17
早前有報導話米線一哥譚仔跌落神壇風光不再，又話其分店的海外業務表現未如理想，日本分店延遲開業云云。但早兩日有網友又影到譚仔三哥位於日本新宿的海外分店大排長龍。排隊的有日本人、居日港人同香港遊客。日本人究竟鍾唔鍾意食譚仔？作為麵食激戰區的日本，呢條譚仔隊又可維持幾耐？
東京譚仔三哥現人龍 網友感自豪
即睇東京譚仔三哥受歡迎狀況：
近日，有網友旅日之時，望見東京譚仔三哥排長龍，事後更在「香港/日本拉麵」關注組貼出人龍照片，照片中可見有店外有一列約二十人的人龍在等候用餐，自豪地說：「終於明白日本人見到外國人排一蘭的心情」。
網民共鳴紛紛留言
相片更引來不少網友關注，紛紛留言，有人表示十分有共嗚，直言「等佢地體會香港壽司郎痛苦」、「排隊能力尚未完全開發 ，將來還可以排更長」，又有人指「物以罕為貴！在香港食米線我絕少去譚仔」、「咁難食都去，估唔到呀」，不過也有網友點出，其實譚仔三哥不少在港分店，午市也有排隊情況出現。
缺「勿演」 日本菜單與香港大不同?
日本人最欣賞是甚麼：
3月剛開幕時，最高峰有過百人在譚仔三哥外排隊，有咩吸引到咁多人？菜式方面，日本分店相當有誠意，近乎將香港的menu搬來東京，豬腩肉、雞胸肉、炸醬通通都有，部分配料更由香港直送，原汁原味。當然唔少得日本限定配料同小食，原個黑醋番茄同芥末醬菠菜都係東京分店限定必食。飲品方面，凍熱檸茶、咖啡，鴛鴦等港式飲品唔少得，仲有多款日本限定酒品，令港味濃郁的米線舖多了份屋酒屋feel。細心睇日本譚仔官網，22款配料中，竟然不見了最有親切感的「勿演」、最iconic的魚蛋同腐皮！唔少Youtuber去試食完都表示沒有「勿演」同魚蛋的譚仔會令人失望。
雖然冇「勿演」，不過也許是因為米線在日本極為少見，其口感與日本人吃慣的蕎麥麵、拉麵、烏冬等麵食，也是無法比擬，因此在日本的食評網站上可見，不少日本人也大讚米線光滑有嚼勁，口感一流；加上日本譚仔三哥不時有新推廣，如CP值超高Dinner Set，每日6pm至10pm供應，約67港元就有1碗米線加2款配料，仲包小食同飲品，算是抵食呀。
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
