港女食壽司郎靠一款壽司$10埋單！店員反應震驚網民一理由力撐事主做得好

飲食

更新時間：11:29 2024-08-26
發佈時間：11:29 2024-08-26

壽司郎向來都深受港人歡迎，即使分店遍佈港九新界，門市都依然經常大排人龍，一位難求！近日有名港女獨自一人去食壽司郎，最後竟只以 $10 埋單走人，結帳時令店員超無奈，即睇事件！

港女單丁去壽司郎食飯埋單$10 店員反應愕然…

點擊睇港女食壽司郎全過程：

壽司郎出名價錢經濟實惠，款式選擇眾多，吸引不少港人排隊進食，較早前Thread瘋傳一個帖子，只見一名港女貼出其IG story截圖，分享了自己獨自去食壽司郎的經歷，寫道：「我都唔係幾好意思講，今日去食壽司郎$10埋單」，瞬間成為了網上熱話！事件來龍去脈詳見上文圖輯。

網民反應兩極！不滿：連杯茶都蝕埋畀你！

此帖很快便引來網民的熱烈討論，不少人對事主的$10埋單一事感到震驚，認為此舉會令壽司郎蝕本：「佢連杯茶都蝕埋比你」，另外，有人則將重點放在等位時間及用餐時間上：「坐成粒鐘，沖十杯茶就唔得」。不過，事主就反駁指她當時不是繁忙時間，所以不用排隊，可以直接進入餐廳，沒有對餐廳的生意帶來影響。有網民則力撐事主冇問題，並且意外壽司郎不設最低消費，「原來無最低消費架，一直無特別諗」、「$10有得食有得坐好抵」，更有人大讚事主的勇氣。