紅磡街市買$100魷魚疑被呃秤？事主質疑價錢貴店員咁回應再發現內藏10條劏好小魚！網民笑稱：買一送十

紅磡街市買$100魷魚劏開有意外收穫！事主質疑被「奇招」呃秤網民笑稱：買一送十

更新時間：12:30 2024-11-01
發佈時間：12:30 2024-11-01

不少香港人日常都會到街市買餸，貪其發售的食材夠新鮮，又種類繁多。惟有網民在Facebook群組發帖，大呻在街市買魷魚時疑被「奇招」呃秤，不但覺得售價偏貴，回家劏開後更驚現魷魚內藏「意外收穫」，提醒網民小心受騙，有網民對事主遭遇感到不值，另有網民搞笑表示：「買一送十」！

紅磡街市買$100魷魚疑被呃秤魷魚內藏「意外收穫」？

點擊睇紅磡街市買海鮮疑被呃秤：

該位網民最近在Facebook群組「黃埔人•紅磡人•土瓜灣人」發帖，甫開首便提醒網民及街坊小心。事主稱日前在紅磡街市一個海鮮檔選購一隻魷魚，當時店員指售價$100，事主已經即時反映售價貴，「當下跟她反應怎麼那麼貴」，惟獲得的回應是：「這個魷魚很大條」。當事主回家劏開魷魚後，驚見魷魚肚內藏「意外收穫」，詳情可點擊上文圖輯。

網民笑稱：買一送十仲想點

帖文一出，引來許多網民留言，當中不乏替樓主遭遇感到不值，「好過份啊」、「咁都得！呃人錢，以後唔好幫襯佢」及「嘩咁都得？有冇落去嘈佢呀？」，同時亦勾起「過來人」的往日回憶，「我都好被湯（劏）過，唔足稱冇下次」、「呢檔污糟邋遢，又呃人，個2個人都九唔搭八」及「呢個街市我已經好耐冇幫襯，太多中伏」。部分網民反而更覺得樓主有「着數」，「咪仲好買魷魚送魚」、「買一送十仲想點」及「買一送十」。

不過，部分網民並未盡信樓主之言，「唔理解，如果要厄（呃）秤，又冇需要為魚仔劏完肚至放入魷魚肚內，多此一舉，做咁多功夫，有無可能係魷魚被捕前食落肚」、「點解你返去偷偷影佢哋，都唔直接同佢嘈？話唔定會賠返比你呢！」及「雖則呃人唔啱，但其實劏細好花時間，好多檔都話明唔幫人劏魚毛，佢係咪比錯咗第二袋你咋」。

文：金三珣　圖：Facebook@黃埔人•紅磡人•土瓜灣人