廟街小食逆市擴充！小紅書熱捧港式串燒店搬大舖設堂食位 加價賣$128/9串質素卻令熟客失望？網民嘆：無晒坐街邊嘅風味
發佈時間：15:45 2025-02-14 HKT
油麻地廟街小食｜位於油麻地廟街的「廟街小食」是區內的人氣港式串燒店，深受本地人及遊客歡迎，最近逆市擴充搬大舖，店內更設座位供食客堂食，有熟客近日前往光顧，卻對食物質素感失望，雖然新店生意同樣火爆，但有網民感嘆：「無晒坐街邊嘅風味……」
廟街小食逆市擴充！小紅書熱捧港式串燒店搬大舖設堂食位
廟街小食主打港式串燒及小食，以明爐炭火炮製多款串燒，如雞腎、豬頸肉、羊肉、雞全翼、牛丸、龍蝦丸、紅腸等，風味十足，深受港人歡迎，更於小紅書備受熱捧。近日廟街小食逆市擴充，搬到位於永星里的大舖，更提供堂食位，從網民分享的圖片可見，店內可容納約30名食客。
新店賣$128/9串串燒 質素卻令熟客失望？
有網民前往光顧新店，並於Facebook群組「香港茶餐廳及美食關注組」分享食後感，首先指搬舖位「有好有唔好」，好處是有瓦遮頭，可坐住食，至於壞處則是等候時間長，樓主指等了25分鐘才上菜「比以前等得仲耐」，又指店外人山人海：「佢哋可能要等到啱啱情人節先有得食……」
至於食物質素方面，樓主坦言大感失望，她「柯打」了9串串燒，包括魷魚、雞軟骨、雞腎、煙肉金菇卷、牛肉等，一共盛惠128元。樓主認為對比起舊舖出品，新店水準強差人意，「（串燒）一係好似無燒過，一係燶X咗」，直指「無晒以前舊舖風味。」
樓主績指以前舊舖位的價錢勝在比旺角同類型小店便宜，但自從搬新舖後，加價之餘食物質素退步，她亦補充新店沒有設炭爐，改用電爐烹調，並指「幾貴都唔會係首選」，唯一優點是開得夜及有瓦遮頭，又表示自己以後會轉到砵蘭街或樓上舖覓食。
網民嘆：無晒坐街邊嘅風味
樓主的食評引起網民熱議，有人感嘆：「無晒坐街邊嘅風味」、「其實依家啲小食都幾貴，可能係我窮」、「我行過都見到好多人坐，見到佢個爐咁細就唔駛等。」、「老細男人燒好啲嘅，而家好似多咗個女人燒。」不過亦有人指新店生意同樣火爆，認為出品不是太差：「呢間鋪頭生意幾好」、「次次去都勁多人」
廟街小食
- 地址：油麻地永星里5號
- 營業時間：下午6時 至 凌晨3時
來源：香港茶餐廳及美食關注組 @ Facebook；文：M
延伸閱讀：紅磡東北小食店火爆小紅書 餡餅/蛋漢堡連日加價50% 遭網民轟：把形象搞得這麼難看
