鍋心海鮮點心再開分店！龍蝦/蟶子/象拔蚌/帶子逐籠上低至$29 招牌海鮮粥集齊5大海鮮只需$XX？

更新時間：11:23 2025-04-03 HKT
發佈時間：11:23 2025-04-03 HKT

鍋心海鮮點心進駐油麻地！鍋心粥底火鍋一向以性價比高見稱，同集團旗下的「鍋心海鮮點心專門店」更是打破傳統，以逐籠點心形式即叫即蒸活海鮮，低至$29起就有交易。繼大圍和深水埗分店後，第三間鍋心海鮮點心上月在油麻地正式開業，提供蒸海鮮、傳統點心、足料海鮮粥等多重享受，迅即成為食客新寵！

油麻地鍋心海鮮點心蟶子/蠔/象拔蚌/帶子即叫即蒸$29起

點擊睇鍋心海鮮點心專門店餐牌：

相比傳統海鮮餐廳，「鍋心海鮮點心專門店」提供的蒸海鮮一籠只需 $29 至 $38，入場門檻低，人少少亦能豪華海鮮盛宴。最受歡迎的款式首推蒸蟶子（$36），可選蒜蓉或泰醬蒸，每籠有兩大隻，彈牙爽口且鮮味十足；生蠔（$36）同樣兩隻一籠，蒸後仍保持肥美鮮甜的口感。天鵝蚌、日本元貝、象拔蚌等都是$36一籠，同樣出色。最抵食必數蒸帶子及蒸青口，各 $29 兩隻，肥美鮮甜。

另外亦有蒸蝦和蒸龍蝦等選擇，蒸蝦每籠 $59（8隻），可選胡椒或麻辣風味，蝦肉彈牙且鮮味濃郁；最貴的蒜蓉蒸龍蝦每隻亦只需 $168，蝦膏豐富，蒜香濃郁，令人回味無窮。

必食招牌海鮮粥/飽肚籠仔蒸飯　

除了即叫即蒸的海鮮點心，餐廳的海鮮粥系列也是一大亮點，每碗價格僅 $60 至 $69。粥底綿密，鮮味突出，其中招牌什錦海鮮粥（$60/碗）更是集齊基圍蝦、蠔、蚌、魷魚和帶子，材料豐富且毫無腥味，讓人品嚐到滿滿的海鮮鮮甜。籠仔蒸飯方面，荷葉籠仔系列以 $38 起跳，每款蒸飯都吸收了肉類或海鮮的精華，香氣撲鼻。其中荷葉籠仔鯛魚片蒸飯（$58）和荷葉籠仔鮮蝦蒸飯（$58）是人氣之選，飯粒飽滿、口感濃郁，極具飽足感。