各區街市驚現$100/6隻香箱蟹 港女貪平購入明言「唔會再買」 網民質疑貨源：日本產呢個價錢？
發佈時間：16:31 2025-04-09 HKT
香箱蟹為松葉蟹的母蟹，體型雖小，但肉質纖細清甜，蟹膏味道濃郁，深受港人喜愛。近日，有網民在社交平台上發文分享，在灣仔鵝頸街市有海鮮檔以$100售賣6隻香箱蟹，價格非常吸引。惟在購入試食後，發現味道不如預期，明言「唔會再買」。帖文隨即引起討論，有網民質疑蟹源，認為價格低廉不合理，「日本產呢個價錢？」，即看下文了解詳情。
灣仔鵝頸街市驚現$100/6隻香箱蟹 港女貪平購入明言「唔會再買」
近日，有網民在Facebook群組「香港街市魚類海鮮研究社」中發文，表示在灣仔鵝頸街市看到有海鮮檔以超低價$100發售6隻香箱蟹，覺得價格划算，於是決定「趁吓熱鬧，買嚟試吓」，惟味道卻令她大失所望。樓主在留言區回覆網民提問時表示，購買時「冇得揀」，而且味道不佳，明確表示「唔會再買」。根據樓主上傳的照片可見，水箱內有數十隻香箱蟹，檔販更將幾隻香箱蟹剖開，展示橙色的蟹膏以吸引顧客，旁邊還有標示「香箱蟹100元6隻」的牌子。
網民質疑貨源：日本產呢個價錢？
如此低廉的價格引起不少網民質疑，有人認為香箱蟹如果是日本產，價格不應如此低廉，「以前呢個蟹種係日本產，見到呢個價錢你話邊度嚟嘅呢？」、「根本上好恐怖，批發商又要賺、零售又要賺、運輸又要賺，咁其實呢樣嘢嘅價值係咩，少食為妙」。
有網民在Facebook群組分享香箱蟹的食法，其中一位網民自製潮州生醃蟹，並上傳照片展示成果。從圖片可見，蟹蓋上佈滿大量的蟹籽和蟹膏，惟不少網民直言「不敢食」，並提醒食用生蟹存在健康風險，「食完上吐下瀉」、「食生蟹好危險」；也有網民將香箱蟹拆開，把蟹籽和蟹肉整齊擺放在蟹殼內一起品嘗。
香箱蟹為松葉蟹的母蟹，大約每年的11、12月期間日本才開放撈捕。因一般食法是將內子（未成熟的蟹籽）、外子（成熟後產出的啡色蟹籽）、蟹膏、蟹肉整齊擺放於殼內品嘗，猶如一個鮮味盒子，據說因此而得「香箱蟹」之名，坊間價錢一般在$70至$200不等。
圖片及資料來源：Facebook@香港街市魚類海鮮研究社
文：Y
延伸閱讀：連鎖德國餐廳推震撼價吸客！$5歎原隻燒雞配薯條再送4杯啤酒 九龍新界分店都有供應
