健康飲食｜豆腐好興壞一文睇清邊種豆腐卡路里最高？（附圖表）

更新時間：15:01 2022-09-01
發佈時間：15:01 2022-09-01

9月1除了是開學日，仲係豆腐日（National Tofu Day）。相信大家都知道豆腐係健康食品，而且營養價值高。但豆類製品五花八門，又是否全部都係咁健康？不同的豆類製品卡路里又係幾多？

好處VS壞處
豆腐含有優質植物蛋白，可保持肌肉質量及加速新陳代謝。豆腐亦含有大豆皂苷，可抑制脂肪堆積，難怪不少減肥人士會以豆腐代替白飯。大豆亦有維生素E及B雜，可改善新陳代謝及有助腸道腸通。研究亦指出，每天食用大豆，有助降低心血管疾病的風險，及有效控制總膽固醇，對預防三高甚有幫助。豆腐含有鈣，對骨骼健康亦非常有益處，小朋友可促進骨骼發育，中老年人則可預防骨質疏鬆。相反地，吃太多豆腐，有機會攝入過多植物蛋白，因而使體內生成的含氮廢物增多，令腎臟增加負擔。而且，豆腐的嘌呤含量高，痛風患者食用時要留意，切勿過度食用，並避免同時進食菇類、魚肉和內臟等高嘌呤食物。

豆類製品卡路里
眾多豆類食品當中，豆腐花、豆腐乾、百頁豆腐、蜂巢豆腐、腐皮等，卡路里最低的是軟豆腐，每100克只有50kcal，健康首選。豆腐花雖是甜品，但卡路里亦只有65kcal，加入薑汁進食仲可去除豆製品的寒性。至於腐皮、響鈴、豆卜這類打邊爐必備食品，每100克分別有435kcal、668kcal及337kcal，相較健康之選的軟、硬豆腐，卡路里可相差10倍之多！想食得健康有益，腐皮，響鈴、豆卜還是少食為妙喇。

想知更多健康資訊請到WeCare Health專頁瀏覽