八方回應「絕食抗議」港鐵｜曾智華
更新時間：11:40 2025-04-08 HKT
發佈時間：11:40 2025-04-08 HKT
發佈時間：11:40 2025-04-08 HKT
字體大小
話說小弟乃港鐵公司（066）由零開始的支持者，長年只買而不賣，一因覺得此乃屬於香港人的公司，應該支持；另外作為基本投資工具，如非在炒高時傻下傻下衝去買，港鐵股價一直穩健，息率也不錯。眾所周知，香港2000幾隻上市公司龍蛇混雜，其中爛生果多到你唔信，試吓亂買就知。
港鐵發債批晒畀財經機構
小弟投資倉中，只有5隻重點股票，全部正正當當營商，透明度極高，屬市場領導者，最重要係政府唔畀得佢死，故此政策上一定保護，一定傾斜，港鐵正是其中之一。不過，最近港鐵為集資發行債券，就令小股東極失望，因息率4厘多至5厘多的30億美元債券，全只批晒畀財經機構，小股東乜都冇，即明益大孖沙而歧視小股東。
小弟睇唔過眼，上周於本欄寫下《抗議港鐵唔「益」小股民》一文，並揚言餘下的一百幾十億債券，若再只益「特權分子」，將會絕食抗議。究竟幾耐冇專家抗議玩絕食呢？可能太「震撼」啩，竟引來八方回應。
前財金高層：若我做主席一定唔會
前政府財金極高層話：「若我做主席，一定唔會只批畀機構投資者，必留部分畀散戶認購，齊齊有得參與。」
某財經報前老總兼執董話：「我都覺得港鐵咁批債券唔妥，剛在社交場合遇見財爺波叔，即指出港鐵長期獲市民大力支持，有機會理應先回饋香港市民。講咗嘞，睇睇下次再發行債券，會唔會改善先。」
有位就快80歲的前電視台高層更上心：「阿碌，若你去絕食抗議，記得搵埋我。」講笑咩，要絕食喎，你點頂得順呀？
最心水清為香港著名財經名咀C姐：「碌Sir，呢單野真係抵鬧㗎，息率好過零售債券而唔益散戶，擺明大細超。不過……最弊美國會否短期內減息，如果係，下次息率極難有今次咁筍，若到時才批畀散戶，肯定畀人鬧多次——低息先質畀散戶？哼！」
資深傳媒人 曾智華
相關文章：
特朗普關稅勢令環球衰退 留意股市與經濟未必同步 李聲揚：最緊要保住份工
最Hit
64歲做20年被即炒只獲7日賠償？！港男控訴公司一方法疑走法律罅：「我做嚟做去都係新入職！」勞工處回應事件｜Juicy叮
2025-04-14 13:00 HKT
81歲金牌綠葉揸保時捷型絕《愛回家》 被截停一舉動證反應遲緩 年過八十還應繼續開車？
2025-04-14 10:00 HKT
