市況波動折騰 擁抱真金白銀最穩陣｜林小珍
發佈時間：14:09 2025-04-08 HKT
踏入第二季，美國總統特朗普所挑起嘅貿易戰，血洗全球多個國家及多種資產市場，避險情緒升溫， 唔少投資朋友都想問，點樣搵到資金避風港？ 無他，相信資金都係走向「傳統」同「虛擬」兩個極端。
風險資產 vs 避險資產
先講加密貨幣，由於比特幣等加密貨幣定位係去中心化嘅存在。相對容易受流動性緊縮（美聯儲降息未明）、監管不確定性（SEC政策搖擺）及高槓桿特性影響，比特幣雖具長期數碼黃金敘事，但短期更接近「高啤打風險資產」，與科技股聯動性增強。
貴金屬方面，相信大家都好熟悉，黃金白銀的避險屬性來自「零信用風險」與歷史貨幣角色，尤其在去美元化趨勢、各國央行增持黃金及地緣衝突下，實物需求支撐價格。其中白銀的工業屬性更賦予其長期成長潛力，例如芯片及太陽能電板對工業用白銀需求相當大。
兩者比較下，各有本質上嘅優勢。不過，投資者從來都係市場為大，資金流係一切嘅根本。從AI數據及資金流分析，資金仍然傾向睇傳統貴金屬比較多，而貴金屬中的黃金已經屢破前頂，現時正喺高位回吐，相反白銀就係低位反彈，提供咗估值修復空間。金銀比（Gold/Silver Ratio）目前約80，遠高於60的十年均值，令白銀存在均值回歸動能，而技術面RSI超賣與底背離信號更強化了反彈預期。
咁投資白銀又可以用咩工具做呢？早前筆者留意到新聞，人民銀行上個月推出2025年最新版龍銀幣，喺金銀幣市場掀起咗一陣炒風。早前在新加坡首次發行城市版龍銀幣，原價75新加坡元，炒到今日市價計300新加坡元，折合大約1,700幾港元，短時間內升值4倍！
龍銀幣具3大投資潛力
由於筆者同HICC嘅MD Sam哥一向熟絡， 立刻搵佢求教。佢分析話中國龍銀幣具有投資吸引力。
第一，相較於美國鷹揚幣（溢價18%）、加拿大楓葉幣（15%），龍銀幣15%的初始溢價具性價比，尤其考慮其限量發行200萬枚，僅佔鷹揚年產量8%。而香港城市版因附加地域文化元素，如特殊包裝/編號，可能複製「1997香港回歸紀念幣」的溢價模式， 相關紀念幣現市價已升了50倍。
第二，中國龍銀幣獲LBMA認證確保全球流通性，中國金幣總公司的直銷管道（如銀行、授權經銷商）降低二手市場變現摩擦，例如以NGC/MS70評級幣的升值潛力參考：2012年龍年1盎司銀幣（發行價300元），NGC70級現報價逾5,000元，年化複合報酬率約25%。
第三，文化溢價驅動因素。龍在華人文化象徵權威，生肖幣收藏社群龐大， 單計在中國就有約1.2億集幣人口。首輪發行（2025）結合「新周期」概念，類似1984年首套熊貓金幣的歷史地位。
聽完佢咁講，睇嚟呢個中國龍銀幣都有一定嘅升值潛力。 如果大家有興趣，新手嘗試投資或收藏金銀幣，聽日有個好機會。香港將會繼新加坡後，成為全球第二個城市發行2025年版中國龍銀幣城市，並於4月9號（明天）至12號喺香港國際錢幣鐘錶展銷會，即係喺金域假日酒店作首次公開發售。全球限量3,000套，定價港幣400元。
據市場相關人士透露，中國龍銀幣未來或有望於其他亞洲地區發行，部份投資者與收藏愛好者已密切關注，計劃集齊全套完整城市版龍銀幣珍藏留念及保值，所以據說已有炒籌嘅情況。
Sam哥建議，提前抵達會場（8:30派籌），備妥身份證明與現金支付。 另外要謹慎保存原封卡裝（OSPC）狀態，對未來拍賣價影響顯著，避免直接觸摸幣面。
喺咁風雨飄搖嘅市況下， 擁抱真金白銀，可能真係最穩陣！
林小珍
相關文章：
特朗普關稅勢令環球衰退 留意股市與經濟未必同步 李聲揚：最緊要保住份工
