港女錯手公開PayMe派利是QR Code 遭掃碼拎走$35.2嬲爆揚言「唔還就報警」

更新時間：18:22 2024-02-16
發佈時間：18:22 2024-02-16

農曆新年期間，很多人都會依照傳統收派利是，象徵新一年的祝福。近年，隨著電子支付工具的廣泛使用，就算身處不同地方、足不出戶都可以拜年，隨時派出或者收到「電子利是」，非常方便！不過，近日有網民不小心將PayMe派利是二維碼誤傳至互聯網，被陌生人掃碼取走4封「利是」，事主獲悉後揚言要求歸還，否則「真係會報警！」

港女錯手公開PayMe派利是QR Code 遭掃碼拎走利是揚言「唔還就報警」

農曆新年期間，不少網民都會在社交平台派「電子利是」，與眾同樂。不過，早前有網民在社交平台Threads上傳一張圖片，大呻「龍年係咪一開始就訓練我如何面對失敗」，稱收集多個收利是PayMe QR Code，但全部都無法成功搶到利是，大感失望。然而，帖文公開後突然出現陌生人收取其利是的通知，原來她不小心做錯一件事，即看事件完整經過：

事件公開後，不少網民都對事主的舉動大感無奈：「你自己擺得上黎（嚟）就遇（預）左有人會咁樣拎」，也有網民嘲：「$35.2咁多錢？支持你報警啊，咁大筆錢真係要認真對待！」事主又指「無諗過會有咁多電子乞衣，我裸體出街就可以強姦我？」有網民則反駁指「係post張裸照出嚟叫人唔好睇」、「你係有俾Consent PayMe任何人有個QR CODE都可以領取利是」，後來事件被放上連登討論區，引來更多網民熱議，按下圖看網民留言：

後來事主再在Threads發文解畫，表示：「其實『報警』只係我口頭禪，我日常生活常用。然後我唔係擺code上網唔俾人拎，我係唔知自己個code夾雜住喺我cap其他人但全部都俾人拎晒嘅code入面，我都知我係onX，但年初一俾大家笑下都開心，祝大家嚟緊一年都笑口常開！新年快樂！最後有幾封$8.8利是，祝大家龍年發發發」，有網民表示「都兜得幾靚」、「危機處理做得幾好」不過下次使用電子支付工具，無論是派利是或收利是都要看清楚，以免「破財」！

來源：連登討論區