AEON STYLE荃灣被轟無冷氣如「火焰山」店長親筆手寫超長文解畫逐一回應顧客留言

更新時間：15:10 2024-07-30
發佈時間：15:10 2024-07-30

AEON STYLE荃灣於今年3月15日起進行改裝，經過4個月的工程後，終於在7月19日重新開幕。近日，AEON STYLE荃灣卻多次被市民批評店内無冷氣，有顧客透過「顧客心聲」留言，指「每行一步都似火焰山」、「空氣很局促」。店長亦親筆手寫長文，逐一回應留言，解釋冷氣系統事宜。由於相關留言店長統一回應，有網民笑稱「將同一篇野罰抄4次，真係辛苦晒店長」。

顧客投訴無冷氣店長回應：全面更換冷氣系統

近日，有許多網民在Facebook群組「AEON Stores 關注組」投訴，指AEON STYLE荃灣分店沒有冷氣，「酷熱程度更加嚴重」、「熱到唔想行」。亦有市民透過「顧客心聲」向店家反映分店的冷氣問題，指「每行一步都似火焰山」、「冷氣嚴重不足」、「好熱！非常熱！出晒汗啦！」、「空氣很局促」等，籲盡快解決有關問題。

面對顧客的投訴，店長亦耐心統一回覆，親筆手寫長文回應顧客。店長先對於無冷氣表示抱歉，其後解釋「由於冷氣系統使用多年已經嚴重老化，早前總寫字樓已聯同相關方面協商，確認全面更新整個系統」，但由於更換組件需時，更換期間亦需要停機一段長時間，所以未能即時更換，「因此店内較早前已增設三十多台大型風機以改善貨場溫度」。最後亦强調店鋪正尋求更多的改善措施，盡力讓顧客及員工有比較舒適的環境。

網民笑稱：店長被罰抄

對於店主手寫4次長文回覆，網民表示「將同一篇野罰抄4次，真係辛苦晒店長」、「店長罰抄」、「呢類投訴應該陸續有嚟⋯店長要keep住罰抄」、「店長被罰抄，其實佢可以印幾份貼上去，唔洗抄得甘辛苦，搞到D（啲）字甘肉酸唔知佢寫乜」。

有網民認為無冷氣一事很嚴重，望能儘快解決問題，「真喺好熱，今日喺一樓排自助俾錢排一陣已經成身汗」、「冷氣未整好之前都唔好再去」、「今日我去咗荃灣呢間行，又熱又焗，無心機再行落去，太熱，仲未整好啲冷氣咩」、「真係好熱啊！裝修完後同朋友行過一次，我開頭以為係壞冷氣，但睇FB群好多人都咁講先知原來咁，希望之後有改善啦！」