韓國旅行團巴士當旅遊巴？約30人團坐巴士塞爆滿上層乘客大呻無位坐網民平反：呢啲係行程之一

更新時間：14:58 2024-08-26
發佈時間：14:58 2024-08-26

去外地旅行，許多人都想體驗地道文化，感受當地人的日常生活。近日，有網民在社交平台上發文，指約30名韓國遊客乘搭巴士「遊車河」，更坐滿上層，讓同車乘客不滿大呻「坐咗幾十年未試過無位坐」。照片引起網民熱議，有網民為遊客平反，表示「呢啲係旅行行程之一」、「可能旅程其中一個活動係體驗香港雙層巴士」。

巴士化身旅遊巴約30人韓國旅行團遊港搭巴士坐滿上層

近日，有網民在Threads上發文，指自己搭巴士時遇到約30人的韓國旅行團，更坐滿上層，「一上（巴士）上層全部都係韓文，唔講以為自己去咗首爾」。從樓主分享的照片可見，當巴士到了旺角長沙街後，所有韓國遊客下車，「成個上層清空咗」，隨後約30名遊客站在街上聽導遊講解，讓樓主不禁質疑，「邊間旅行社咁天才唔包旅遊車，走嚟坐巴士」。樓主更引述同車乘客抱怨，「有錢嚟旅行無錢嚟坐旅遊巴，搞到我無位坐，坐咗幾十年未試過無位坐」。

網民為韓國遊客平反：體驗香港巴士係行程之一

有大量網民為韓國遊客平反，「九巴某啲路線車頭電子牌仲有韓文，呢啲係旅行行程之一，而且一定係坐上層，始終好多地方都無雙層巴士，要體驗當然係坐上層」、「係行程之一，好似去俄羅斯團會同你坐地鐵睇下地鐵站設計」、「可能旅程其中一個活動係體驗香港雙層巴士」、「韓國同大陸主要係單層巴士，坐雙層巴士都真係一個旅遊體驗」。

也有網友指出遊客巴士「遊車河」並非新事，「疫情前大約2014年已經見有，通常坐1A」、「好多韓國團都係咁，好多年前已經係咁玩」、「搭船過海成日遇到旅行團，而家進化到搭巴士」、「我諗起碼有10年了，通常尖沙咀上車」。