颱風摩羯｜打風前買餸街市「趁火打劫」？港人海鮮檔買鷹鯧魚被「呃秤」？先秤公磅再對質店家竟然咁反駁

更新時間：09:00 2024-09-06
發佈時間：09:56 2024-09-06

超強颱風摩羯來勢洶洶，不少市民趕在颱風來到前到街市準備食材。但是，卻有店家「趁火打劫」乘機「呃秤」？有網民在社交平台上發文，表示自己在青衣街市某海鮮檔買鷹鯧魚卻被「呃秤」。事件引來網民熱議，一致批評店家「食水真係幾深下」、「搶呀」、「太離譜」，更引來店鋪負責人留言解釋！

港人海鮮檔買鷹鯧魚被「呃秤」？先秤公磅再向店家對質

有網民在Facebook群組「青衣街坊吹水會」中發文，指自己與妻子一起趕在打風前到青衣街市買餸。二人在某海鮮檔買鷹鯧魚，售價是$18/兩，「我揀一嚿魚肉，佢就搭魚頭骨」，最後收了事主$230。其後事主到街市公磅再秤，卻發現他買的鷹鯧魚只有12兩，應該只需要付$216，換言之事主被多收了$14。於是事主回到海鮮檔與職員對質，卻被店家反駁「公磅壞咗」，讓事主十分無奈。

網民一面倒批評店家：食水深

事件引來網友熱議，一面倒批評店家行為，「食水真係幾深下」、「搶呀」、「太離譜」、「個公磅點會壞」、「call海關睇下個公磅係咪壞」、「應該好多人中招」、「所以落街買餸，一定袋個手提電子磅喺身，一唔夠秤，就報警封佢檔（PS：比檔口呃過幾次，先忍唔住買隻電子磅）」、「你唔係第一個，我上次買條魚，佢收11兩，秤完得8兩」、「街市無一檔唔係呃秤」、「咁都得，以後帶磅去」。

帖文更引來自稱「店鋪負責人」留言，表示願意幫事主處理，「如果方便嘅話，希望你15:30攞返嚿魚落嚟，我幫你處理」。「店鋪負責人」指出，當時自己不在海鮮檔，因此不知道事情經過，希望可以和事主跟進回整件事，「作為一個成年人，喺未了解情況下唔會亂判斷問題，所以希望當事人來跟進返件事。問題喺邊到？邊到有誤會？計錯數？公磅會唔會真係有問題？所以先希望當事人等我返到街市去跟進件事」。亦有網民找到另一個由「店鋪負責人」發的帖文，當中「店鋪負責人」表示，青衣街市的公磅的確有誤，「個公磅冇對正，即係一開始負數」。