方俊兌現承諾陪伴張偉文歡度大時大節 不忍老人家孤苦伶仃留守老人院

71歲冇人冇物嘅「靚聲王」張偉文不良於行，加上近年受失智症（又稱認知障礙症、腦退化）困擾，只能長居於安老院舍，無所事事悶到發慌，幸而愛徒方俊相當孝順，每逢佳節必定陪偉文度過，讓他感受到節日暖意。

𠵱家張偉文人生最大寄託係唱歌及食嘢，趁住中秋佳節方俊一次過滿足老人家兩人願望，當晚陪他到酒樓晚飯，同台還有兩位來自內地嘅方俊鐵粉。飯前方俊先跟偉文操曲唱《戲鳳》自娛，張偉文越唱越起勁，最後更單獨係咁唱，好好唱口，仲唱到有晒做手呀。

當晚偉文勁開心，胃口大開，食咗乳豬、燒雞、煲仔翅、鮑魚、龍蝦伊麵等。飯後方俊切四黃蓮蓉月應節，因為蛋黃也是偉文最愛。切餅期間，偉文突然提示方俊替他抹眼水鼻涕，方俊即服侍周到，相當體貼。方俊說：「我唔忍心掉低佢一個人喺老人院過節，故曾經承諾過，每逢中秋、端午、農曆新年等大時大節都會陪張偉文一齊過，做人要兌現承諾。」