梁思浩點名一影后為變瘦搞臭廣播道爆明星減肥奇招險發生放送事故

更新時間：15:30 2024-09-30
發佈時間：15:30 2024-09-30

梁思浩主持的網台節目《娛樂好好玩》，早前與江美儀及大爆娛圈秘聞，鬧出不少風波。近日與吳家樂、梁銨庭在節目中，分享「明星減肥六大奇招」，除點名苟芸慧是即使發福仍然好靚外，又指明一位影后當時減肥成功，吸引整條廣播道不少人跟隨，導致充滿陣陣屎味。

梁思浩爆吳君如減肥法？

梁思浩與吳家樂、梁銨庭在近日的網台節目中，分享明星減肥奇招，當中有一單發生在電台開咪時，梁思浩直指當年電台好臭有陣「屎味」，元兇與一位影后有關，因當年對方由演員走入電台開咪，更見到瘦身效果，因此其使用方法獲得在附近電台工作的人爭相仿傚，梁思浩更指效果俾「痾油丸」更誇張。

梁思浩揭當年流行減肥法

梁思浩表示：「有段時間喺香港電台，成日無端端，喺商台臭先㗎，啲人成日話商台成浸屎味，後尾就輪到我哋港台都有嗰陣屎味，直播室抽風又唔好，啲人成日入到嚟話『做咩咁臭？』就係嗰時流行嘅一種減肥方法。」吳家樂、梁銨庭追問原因，是否與「痾油丸」減肥有關？梁思浩直說：「真係由一個商台嘅人教出嚟㗎呢樣嘢，嘩！當時成個廣播道臭崩崩！」梁思浩直接開名是「吳君如」。

相關閱讀：梁思浩爆人妻高招搜羅老公偷食證據零消費兼扮無辜江美儀讚自細都叻

梁思浩派花生曾鬧風波：

梁思浩用雜菜湯做代餐

梁思浩指吳君如當時兼任DJ，當時瘦身見到成果，因此由商台到港台都有不少人試同一方法減肥，飲用由洋蔥、紅蘿蔔、椰菜、西芹等製成的雜菜湯，每日以雜菜湯做代餐。梁思浩說：「有段時間喺廣播道好Hit，真係見到啲人個個都瘦，好肥嗰啲都瘦晒，大家上網分享呢個湯，但係唔得㗎！佢係瘦，但係佢有後遺症，你忍都忍唔住，係咁放屁。」梁思浩再爆有DJ開咪時，因為忍不住放屁，梁銨庭在旁搭嘴：「我以為會瀨屎」，不過梁思浩卻不建議嘗試，因為會經常放屁。

其他文章︰

前視后大爆TVB內幕片段流出直言公司重用歌星忽視演員古天樂鄭伊健反應成焦點

有勢力男星被指是遲到慣犯！經典劇多位演員成嫌疑人江美儀梁思浩爆一女星霸C位招數

52歲江美儀罕提與吳君如胞弟隱婚原因當年被夏春秋爆離婚：我留返一樣嘢係屬於我哋兩個