黃大仙兩老爆罵侍應食客 疑等位太耐嬲爆 孫仔「一舉動」盡晒家教｜Juicy叮
發佈時間：11:34 2023-08-09
黃大仙有兩名長者與孫兒到餐廳等位，疑等位太耐被焫㷫，竟圍罵侍應，最後更爆發與食客的罵戰，混戰中同行年幼孫仔的舉動盡晒家教，成為網民焦點。
黃大仙兩老爆罵侍應食客 孫仔最後咁舉動↓↓↓↓
有網民在剛過去的周日（6日），上載兩段在黃大仙一間餐廳爆發食客衝突的影片。
該網民目擊事發經過，他在帖文中寫道：「一開始嘅時候，因為攞飛排隊等位，後尾等到忍無可忍，無需再忍～」
該目擊網民表示：「......出嚟食飯都要咁勞氣，原因係排隊攞飛等位等到老伯都有火......」
斥職員叫長者「等到就等」
片中開頭見到兩名長者帶同一名女子及一名小孩，在一間餐廳門口收銀處，與侍應職員理論。
兩名長者非常「勞氣」，女長者向職員怒喊：「你叫我食第二間，係咪咁嘅意思。」「等到就等，等唔到就第二間，你講嘅喎。」
職員即時解釋，但兩人似要求記錄職員姓名作出投訴，女長者向職員表示：「好叻喎，你啲說話技巧。」
食客不值所為怒斥掀罵戰
這時坐近門口的一名食客，似不值兩名長者所為，突然大怒斥責兩老：「你唔好嘈啦！人哋打工啫喎！」
兩老即時轉與該食客爆發罵戰，互相斥責，這時有女侍應上前不斷勸阻，嘗試分隔雙方。
該女侍應試圖以聲音蓋過爭吵聲：「咁多位好朋友，唔好嘈！」
女侍應合什哀求：你鬧我啦！
情急下，女侍應先叫食客「嗌嘢食」，並以合什姿勢向兩位長者作出哀求：「阿叔，我求吓你啦，你鬧我啦。」希望轉移兩老罵人的目標。
另一段影片看到當男長者仍繼續怒罵女侍應時，女長者一面拉開他，一面說：「嚇親個孫啊！去第二間食。」
女長者指侍應「無知識嘅人」
女長者這時又乘機揶揄女侍應：「無知識嘅人，你同佢講乜嘢啊！」她又向剛才嘈交的食客喊道：「包場啦你！收聲啦你！」
不過男長者仍不為所動，繼續指罵女侍應，這時在旁觀看的年幼孫兒，突衝前做出一舉動，成功制止了這場罵戰，令網民甚感詫異。【孫兒的舉動詳情，請瀏覽上列圖輯↑↑↑↑】
網民：老人不如細路
網民熱議事件，不少人批評兩位長者不識大體：「香港地食嘢係咁，唔想等唔想排，咪選擇食第二樣囉，勞氣有咩用，細胞都死多啲，嚇親細路就無謂啦。」
「基本禮貌都無，呢兩位耆英點會識教好個孫。」「身教好緊要，佢地拖住果位小朋友真係慘。」
網民又讚揭女侍應表現克制，至於該年幼孫兒的舉動，網民亦大表讚揚：「我覺得個第三代幾叻仔喎。」「老人不如細路。」「盡晒家教！」
同場加映：上水快餐店爆「戰狼式衝突」 喼帽港男大戰洋漢華裔男 「一陽指」互篤中英粗口橫飛↓↓↓↓
上水站美心快餐店爆發「戰狼式衝突」，一名港男與洋漢及其華裔朋友激烈爭執，雙方「一陽指」互篤，中英粗口亂飛，激烈嗌大交的影片在網上瘋傳，引發熱議。
喼帽港男 VS 洋漢+華裔男｜「戰狼式衝突」全程逐格睇↓↓↓↓
詳情瀏覽：上水快餐店爆「戰狼式衝突」 喼帽港男大戰洋漢華裔男 「一陽指」互篤中英粗口橫飛
相關熱話：
粉麵店食客不滿大聲咳嘈交 辣椒油橫飛 阿姐怒喝：打爛我啲嘢呀
----
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
