掗拃巴士乘客惹公憤 化妝霸位伸腳最乞人憎 網民獻計對付自私精｜Juicy叮
發佈時間：14:02 2023-09-21
掗拃乘客往往惹起公憤，近日便接連有屯門、北區和將軍澳的市民在facebook發帖力數自私乘客的不是。綜合回應網民的意見，原來除霸位、化妝、伸腳外，還有一樣行為也相當惹人討厭......
掗拃乘客自私表現逐張睇↓↓↓↓＋ 網民咬牙切齒回應↓↓↓↓
在屯門，有facebook專頁的版主代街坊發帖，指巴士上一位女士懷疑「霸成3個位去化妝，腳位都霸埋......唔係第一次發生，差唔多日日係咁」；在將軍澳，有市民發帖，指在「新都城上車往尖沙咀上層外籍男仔的行為，3位同行家長冇一人教」。在北區則有樓主以「呢個女人，搭親車霸兩個位，叫佢拎開個袋居然叫我去第二度座，大晒咩」為題發帖大呻。
掗拃乘客自私表現逐張睇↓↓↓↓＋ 網民咬牙切齒回應↓↓↓↓
巴士乘客霸位、化妝、伸腳等行為引起網民共鳴，有人直指「自私行為」、「自己顧自己，不管是私人地方還是公眾地方，都要顧己及人」，並預言「終歸有一日見報，喺車上邊同人打架扯頭髮嗰類型」。
另有網民認為「坐巴士或屯馬，很討厭D人在側邊化妝因隻手撞撞吓」、「化妝去化妝間嘛」、「想多D空間搭的士啦」，並爭相獻計，各自提供對付沙法——「個位有冇人㗎小姐？」、「我會叫醒佢」、「直接叫佢攞起個袋」、「佢唔讓，直踩佢隻腳入」、「最憎人咁迫仲蹺腳！掗掗拃拃正羚羊！」、「我會同佢講：唔該」、「我會大大聲叫佢拎開個袋」。
網民：扮痴扮傻一嘢得落去坐
另有人指「嗰個位置唔係2個位嚟 ? 如果係我照攝入去推開佢個袋」、「遇到呢d人，原本唔想坐，我都會特登坐埋去，睇佢會晤會拎開自己d嘢」、「如果佢扮瞓覺，我就扮痴扮傻一嘢得落去坐！跟住同佢講，阿姑唔好意思吖，嘈醒咗你㖭」、「如果係冇乜人都可以放低係位！不過正常有人上車都醒水拎起個袋啦！可以大聲D問下佢！小姐你個袋係咪有需要坐呀！唔該畀返個位人坐！等佢尷尬都好！不過佢一定冇羞恥之心」。
網民不滿乘客飲食
說著有網民不滿有乘客在車廂內進食，指「港仔飲嘢，港女食早餐，我見過最誇張果2個，一個食鳳爪排骨飯，一個食車仔麵，話佢都冇用，因為佢地都照食」、「日日都見，月台又食車廂又食，之前望兩眼會收斂，之後要開口話佢先停，依家話佢都唔睬你，講緊近依一年嘅事」。
掗拃乘客自私表現逐張睇↓↓↓↓＋ 網民咬牙切齒回應↓↓↓↓
網民：不應公審
不過也有網民反對公審，指巴士上「每朝都差唔多同一班人，都係坐個幾個位，又對你冇乜影響，大家打工仔可以體諒，只要有人要坐佢會自動讓位，我覺得冇必要畀你影相放上網囉，如果調返轉你因為咁小事畀人影相放上網你有咩感受？」。
另有人稱「照坐丫嘛，你公審佢又無人幫到你，你又出唔到氣又阻止唔到下一次發生，你仲要真係去第二度坐添，變相鼓勵佢下次都係咁」、「直接同佢講，影相擺上網冇用㗎」、「有冇當面出口提醒？如果你冇勇氣即埸出口解決問題，post上嚟係唔會幫助解決到個問題，唔好背後取暖做鍵盤戰士」。
掗拃乘客相關新聞：
港鐵大叔「擘髀霸位」迎戰網民奇招盡出1招瀟灑絶殺
搭車不時會遇到大叔「擘髀霸位」，有網民在港鐵晒相公審一名擘髀大叔，帖文意外引出逾百網民熱烈討論應對方法，可謂奇招盡出，而其中一招更被認為可瀟灑「制敵」。
大叔「擘髀霸位」 網民教路10招對付（最後1招絕殺）↓↓↓↓
內容詳情請看↓↓↓↓
巴士上對罵5分鐘 大把位都爭位坐？ 大媽：咪掗住兩張凳 唔准過界
巴士阿叔鬧喊少女阻落車 坐隔離賴死唔郁 網民指一句話露色心
男乘客搭巴士多「吉位」仍坐少女旁邊港男拍照公審惹熱議
—————
《星島頭條》APP經已推出最新版本，請立即更新，瀏覽更精彩內容：https://bit.ly/3yLrg
