新春搭港鐵遇「鎅袋黨」 新衫衣袋「哈哈笑」 慈父失4位數字大利是｜Juicy叮
發佈時間：10:53 2025-02-01
一家人農曆新年大年初二去拜年，一家之主卻在搭港鐵期間慘遇「鎅袋黨」，新衫衣袋被割破成「哈哈笑」狀，袋著的大利是遭偷走，破新年財高達4位數字。
事主女兒日前透過社交平台Threads發文講述事發經過，網民同情之餘還排隊訴苦，大爆過往倒楣遇上賊人的經歷，有人當街被拉開背囊拉鏈，有人連幾十元的櫈仔也都被偷走。
相關閱讀：「鎅褲黨」西灣河出沒 港男屁股開花 網民細數賊人6大落手熱點
農曆新年搭港鐵遇「鎅袋黨」逐張睇 ＋ 網民警惕↓↓↓↓
絨衫外套拉鍊衣袋捱鎅
樓主發帖指：「真心好嬲。依家經濟真係差到咁樣咩？大年初二去拜年！我Daddy（爸爸）搭地鐵嘅時候竟然俾人偷利是！新衫俾人鎅開個大窿！仲要個利是係大利是，咁就無咗幾千蚊。
以前香港點會發生咁嘅卑劣無恥嘅事，好人好物新年流流偷嘢，真係祝呢啲偷嘢嘅人去屙屎無廁紙！大家出門一定要小心！保管好財物！唔好睇趣（社交平台Threads）睇得太入迷！」。樓主在回應欄補充，捱鎅的是「絨衫外套兩邊嘅袋，有拉鍊」，並自爆「我係00後，我嘅以前係20年前到十幾年前呢段時間」。
相關閱讀：「扒手黨」入侵大埔 小偷接連從後開背囊 街坊提醒呢個位高危
農曆新年搭港鐵遇「鎅袋黨」逐張睇 ＋ 網民警惕↓↓↓↓
好心網民教路抗賊
有好心網民於是挺身教路抗賊，指「所以我永遠放重要財物喺身體前方貼身袋好，絕對唔俾賊人有機可乘」，醒目的樓主原來也會呢招，回應指「多謝你提醒，的確放喺前方嘅袋，地鐵太逼，我哋大意無發現」。
有人估計「（賊人）應該跟咗你一陣先知鎅邊個位」，另有人呼籲「大家喺街見到都真係要出聲，習慣咗唔出聲，下一個受害就係你／你身邊嘅人，唔好怕事」。
相關閱讀：荃灣猖狂「扒手黨」 當街開背囊偷嘢 網民列出兩大出沒熱點
農曆新年搭港鐵遇「鎅袋黨」逐張睇 ＋ 網民警惕↓↓↓↓
網民訴苦分享遇賊經歷
說著，原來不少人也曾遇上或聽聞「鎅袋黨」或「扒手黨」等劣行，指「鎅袋呢家嘢一向都有，只係無發生過喺你身上啫」，網民接著排隊訴苦，讓大家引以為鑑：
•「我屋企長老，噚日先俾人用同樣手法俾人鎅衫袋！而家無晒啲證件！睇嚟佢哋係一班人同時出動！大家小心！」、
•「小心呀，文雀好專業。我90年代喺油麻地被鎅袋，仲要個袋係新買。沒有唔見錢」、
•「文雀無情無義無人性，記得之前就是有人識穿賊仔手撳住袋保不失，被個賊用刀片直接鎅面留勁長疤，但竟然逃去無終」、
•「唔係講笑……早前用緊平價電話用咗兩年幾……唔值錢㗎都俾人偷……再上幾個月，幾十蚊櫈仔用咗好多年㗎……都俾人偷」、
•「大家真係日日都要小心，我妹喺街行都俾人開背囊拉鍊，佢覺得後面有扯力，及時喝停佢，拉鍊已開1/3」、
•「其實地鐵一直都係咁多小偷。十幾年前......本人準備落車嗰下，放個銀包落個袋底，踏出車門已經無咗個銀包......」、
•唔止地鐵，尖沙咀／旺角嗰啲條街勁多人嘅地方都愈嚟愈危險。上年年尾先喺尖沙咀俾人拉開袋嘅拉鏈偷Airpods（無線耳機）、
•「我試過俾人開背囊拉鍊，俾我發現然後大聲小（鬧）佢，雖然佢未偷到我嘢，但已足夠令周圍啲人望住佢，佢夠膽話返我轉頭，但係我越小佢佢越走得快，然後有個女人捉住我問我做咩事好似好關心我咁，其實我估係想拖住我等個男人可以走，所以大家小心，佢哋有機會唔止一個人！而且會搵啲Cam（攝影機）影唔到嘅位」。
網民安慰當破財擋災
說過不愉快事件，網民都正面地往好處去想，安慰樓主當破財擋災：
•「把刀利到咁，無俾佢界親就當破財擋災」、
•「破財擋災，今年一定行大運，佢今年Ｘ硬街」、
•「同你擋災，把你們所有不好的完全拿走了，新年全新的開始，健康長壽喜樂，同時亦當布施吧…… 」、
•「唯有向好方面諗，破財擋災，當俾佢（小偷）睇醫生。最緊要人（你Daddy）無事。新一年，新年快樂」。
