存錢機咬住唔放 「金牛」慘遭分屍 網民憂$1000化為烏有 金管局咁講......｜Juicy叮
發佈時間：09:43 2025-02-09 HKT
存錢變食錢？有網民早前在facebook群組「大埔 TAI PO」以「好搞笑」為題，上載一張於存錢機前拍下的相片，當中見到「金牛」遭分屍的慘況。
相關閱讀：不滿大媽存款機慢動作入錢 上水躁漢爆粗狂鬧分半鐘後竟發「溫馨提示」？
存錢機咬住「金牛」唔放逐張睇 ＋ 網民肉赤↓↓↓↓
疑操作不當失手致分屍
存錢機一般橫向存入紙幣，出現這鈔票分屍情況，大多懷疑因為操作不當，失手直向存入紙幣後，並強行拉出紙幣引致。
網民對此感到心痛，指「食錢機原來真係會食錢」，擔心這破爛的1000元會否就此化為烏有，心急查問「唔可以去銀行換返？」，回應的答案眾說紛紜，有人說「換唔到」、「得返半張，換唔到」，有的則指「換到」、「可以換」、「你影住有證據點可以唔回返俾你啊」，並建議「去嗰間ATM嘅銀行講」。
相關閱讀：茶餐廳拒收披口廿蚊紙 食客嬲嬲 爛銀紙究竟用唔用得？金管局咁講......
存錢機咬住「金牛」唔放逐張睇 ＋ 網民肉赤↓↓↓↓
紙幣爛咗點算好？ 網民找來官方說法
於是有網民認真地找來香港金融管理局的官方說法，局方引用情景題講述「紙幣爛咗點算好？」（https://www.hkma.gov.hk/chi/news-and-media/r-and-m-column/2018/11/column-20181116/）——
•阿四：有讀者寫信嚟，話屋企小朋友唔小心將十蚊紙幣對半撕爛咗，問可以點做？
•小森：佢可以拎返去發鈔銀行換。銀行會按既定嘅準則嚟驗證真偽同損毀程度，例如會驗下張銀紙係咪真鈔、睇下防偽特徵仲係咪完整、損毀面積有幾嚴重等。一般嚟講，如果無以上呢啲問題，銀行都會換返錢畀市民嘅。
還有網民把事情歸咎於涉事「金牛」的號碼——224044，批評「4044唔好意頭」，有人連忙回應稱「係囉，唔好意頭……以後發現唔好意頭嘅錢俾晒我幫手處理」。
相關閱讀：上水ATM機撳錢突被女子死纏：「做乜攞咗我錢！」「屈錢黨」新招行騙 事主教咁甩身
早年曾發生類似事件
早年也曾發生類似的事件，當時有網民也於facebook群組「大埔 TAI PO」上載相片，指大埔昌運中心有存錢機故障，入鈔閘口卡著一張1000元鈔票不放，而「金牛」只露出一小角，進退不得，存錢機的熒幕顯示「本機有故障，請與本行聯絡」。
在將軍澳坑口東港城，也曾有人懷疑無視「請橫向存入紙幣」的提示，打直放入一張千元大鈔，結果遭遇同樣困境，「金牛」被吃掉一半後，另一半寂寞地曝露於空氣中。
