鐵騎士撞巴士後匿車廂拒落車巴士車長舉機唸1分鐘「警誡詞」：我保留一切追究權利｜Juicy叮

時事熱話

更新時間：17:10 2025-02-23 HKT
發佈時間：17:10 2025-02-23 HKT

旺角發生一宗涉及電單車及巴士的交通意外，涉事鐵騎士在意外後，竟走上巴士車廂內拒下車，巴士車長舉手機拍攝，向他宣讀逾1分鐘「警誡詞」，指他違反香港法例第374D章，加上巴士沒有畀錢，又向他自稱「陀地」，「我保留一切追究權利！」

有關影片昨日（22日）在多個社交平台專頁流傳，當時情況如下：

鐵騎士撞巴士後匿車廂拒落車巴士車長舉機唸1分鐘「警誡詞」：我保留一切追究權利：↓↓↓↓

事發地點在旺角太平道，交通意外涉及一部電單車及一架72X巴士。現場多段影片看到，巴士車長在意外後，打開車門，讓乘客離開，車長則致電巴士公司匯報意外情況，這時涉事鐵騎士站在巴士門前。

另一段影片，鐵騎士批評巴士車長報警：「有無搞錯，自己唔想揸，叫啲客走晒喎，離晒譜既，呢啲咩嘢工作態度啊。」車長在旁以手機拍攝，未有出聲。

最後一段影片見到鐵騎士走上巴士，坐在下層座位，近中間落車車門，車長則拿手機，從巴士中間車門拍攝鐵騎士，並如警員唸警誡詞口吻，不斷讀出警告：「我重覆一次，你違反咗374D章嘅條例，唔該你落車，你無畀錢，唔該你落車，依家唔係營運中嘅車輛，唔該你落車。」

第374D章是《道路交通(公共服務車輛)規例》。

同場加映：九巴車長土瓜灣駕駛途中竟突落車購物乘客直擊買一物疑健康出問題九巴：正調查事件：↓↓↓↓

車長略為停頓，再繼續唸「警誡詞」：「再重申一次啦，JXXXXX電單車司機，唔該你落返車，再重申一次，你違反咗香港法例374D章，唔該你落返車，我有權向警方提出控訴，你係有責任依家落返車，如果你唔遵守既話，你會畀人控訴，你會罰錢加坐監，唔該你落返車，JXXXXX電單車司機，唔該你落返車，加上你啱啱撞我，我保留一切追究權利，你自稱呢到陀地，我保留一切追究權利......」

不少網民同情巴士車司遇上撒賴鐵騎士：「使乜講咁多法例，999三個字搞掂。」「即刻報警拉佢啦！」「報警啦，慳返啖氣。」

由於鐵騎士未有付款，走上巴士，有網民建議車長「開車返站頭」，「閂埋門接埋佢開車走返車廠，之後告佢闖入『私人地方』。」「用什麼方式都得，因為佢無畀錢，車長做得啱。」

不少網民對於巴士車長以唸警誡詞的方式，警告該鐵騎士留下深刻印象：「九巴司機之前讀Law架？」「依家唔係事必要你講......」「可能佢係輔警。」「呢位司機係巴士法律系畢業。」