西灣河街頭有寶尋？神秘行李箱放路中心街坊知路數：日日擺唔同位｜Juicy叮

更新時間：13:35 2025-04-13 HKT
發佈時間：13:35 2025-04-13 HKT

西灣河街頭人來人往，近日有街坊發現不時有無人看管的神秘行李箱，像玩尋寶遊戲一樣四散不同位置，甚至零零舍舍放正路中心，情況不尋常。詳情見下圖及下文：

西灣河神秘行李箱放正路中心逐張睇↓↓↓↓

樓主早前在facebook群組「筲箕灣西灣河關注組」上載相片發帖，指「連續兩日，朝早8點幾有無人看管行李箱喺太安樓橋底，噚日3-4個分散不同位置，今日有1個，都係放喺路中間」。相中的行李箱為黑色軟喼，綁有白色蝴蝶結作標記，喼上還放有一個黑色手提袋。

回應的網民好奇「有沒看過入面放咗甚麼？」，樓主回應指「冇」；有人笑言「會唔會係煲青紅蘿蔔湯啲切件肉」，並查問「有無血水流出同惡臭？」，建議「見疑即報」。

見到這奇景的不止樓主一人，回應的街坊也指「晚上都會！」、「我有次都見到，不過過一陣就有人拎」。另有網民估計，行李箱有可能是「天光墟啲貨」、「又係街仔擺低？」，或是交易雙方在「交收ing......」（進行交易）。

還是有疑似知情的街坊留言，指「係有一個流浪傻婆係佢㗎，佢有幾隻篋有時喺公園，有陣時喺太安樓惠康門口啲凳度，周圍拎來拎去」，另有人和應「對是她，今早見到放唔同位置」。

肆虐一時的「鎅褲黨」重出江湖，有市民早前在西灣河太安樓附近懷疑慘遭毒手，屁股開花，破開的牛仔褲尾袋長長刀痕清晰可見，幸有一堅韌物品阻隔，免卻一場無妄的血光之災。精明又好心地的網民除提供絕妙的防鎅方法外，還細數城中6大鎅褲或小偷出沒熱點——

↓立即下載星島頭條App↓

最Hit

17小時前

8小時前

5小時前

2025-04-17 17:30 HKT

19小時前

7小時前

23小時前

2025-04-25 15:00 HKT

2025-04-26 06:00 HKT

56分鐘前