啟德BB連人帶車被丟便利店外 驚揭外傭湊B疑嚴重疏忽照顧 仗義港媽：我企到個姐姐返嚟｜Juicy叮
發佈時間：13:31 2025-04-21 HKT
啟德早前發生嬰兒被獨留街頭令人揪心的一幕。事件中的BB懷疑連人帶車遭外傭丟低在便利店外，被路過的港媽及時發現從旁守護，「企到個姐姐返嚟」。
港媽當時不但即場訓斥涉事外傭，事後更仗義執言，在網上公開事情，希望最終能讓BB的家長見到，避免潛在悲劇的發生。詳情見下圖及下文：
啟德BB連人帶車被丟便利店外逐張睇↓↓↓↓
樓主發長文講述事件經過
樓主早前在facebook群組「啟德居民自由講～」上載外傭姐姐推著BB車的背影相片，發長文講述事件經過——
「大家如果知道呢個姐姐同小朋友，記住同返個家長講。我啱啱（4月17日）2:30pm行過7-11（便利店），見到個BB自己坐喺架（BB）車度，自己一個，離7-11門口2m（2米）遠。
我企咗2min（分鐘）見到有另一個姐姐走出嚟，我問佢係唔係佢（BB）姐姐，佢話佢（BB）姐姐喺裏面買緊嘢。我見7-11如常排長隊等俾錢，點都好，佢應該抱埋BB入去！
等佢出咗嚟我鬧咗佢，同佢講好危險，個小朋友可能會俾人推走咗。佢仲話佢叫佢朋友出嚟睇，我話我嚟嗰陣佢得自己一個！佢下次唔可以咁，比我見到我就同佢僱主講。
麻煩僱主或有人話比佢僱主知，都唔好鬧姐姐，同佢講聲好啦，因為怕佢之後唔知點對BB」。
樓主在回應欄補充：我企到姐姐到先走；BB無事，我當時企到個姐姐返嚟，同佢講；我話佢唔可以就咁擺低小朋友，佢仲話佢搵咗佢朋友睇，我話我嚟到嘅時候見到小朋友自己一個喺度，身邊無人。同佢講下次再見到我就同佢僱主講。
相關閱讀：港媽爆被菲傭騙了5年？「我們只是她計劃中的一環！」待如家人送金飾結果竟是...
啟德BB連人帶車被丟便利店外逐張睇↓↓↓↓
附近街坊留言附和
回應的網民批評外傭做法，指「咁樣嘅工作態度，我絕不苟同」；另有人稱「個仔又唔係佢親生，唔見咗都無咩所為。今時今日啲姐姐……」。
有附近街坊留言附和，「其實啟德好多姐姐都好差。每日都見到啲姐姐帶住啲狗坐喺公園，隻狗就俾人綁咗喺度幾粒鐘。姐姐喺度玩電話、玩腳趾跳舞；帶小朋友落樓返學個姐姐係咁叫小朋友shut up（收聲）之後一路自己行無理過小朋友；帶公園玩嗰啲放個小朋友玩，自己玩電話、傾電話，得閒影一兩張相俾阿mom（女僱主）交差等等......真係好差」。
相關閱讀：紅磡禁煙公園內吞雲吐霧 外傭懶理小妹妹食二手煙 網民發現另一驚人細節
勾起網民記起15年前荃灣阿爸搵仔一幕
BB事件還勾起網民類似的回憶，有人提到15年前在荃灣見到阿爸搵仔的一幕——
•網民甲：我早10多年前見有個男人推住BB車，衝埋嚟問我哋有無人見到推走另一架BB車，我哋話無呀，你手上呢架就係囉，做乜嘢？佢話唔係阿，係另一部阿，我是孖B，另一架俾人偷走咗，跟住喺荃灣MTR好多人幫佢四處睇下，仲通知地鐵職員，搞到好大件事。佢話老婆去咗廁所，佢擰轉頭抽煙，唔想整到BB，點知抽完再擰轉頭就唔咗一架車，佢嚇到面都白晒，好恐怖。
•網民乙：咁最後點呢？
•網民甲：我哋走之前都搵唔到，警察嚟咗拉佢行埋一邊，跟住有人叫MTR開CAM（閉路電視）睇下邊個推走BB。
•網民甲：其實當下佢係衝埋嚟好似癲咗係咁問人，你有無見到有人推住部BB車阿，我話無，佢馬上又問我旁邊嗰個人，再不停個個問，我哋全部人問佢佢先講，唔係阿，我仲有另一架BB車阿。佢老婆返嚟佢應該被老婆鬧死都似，一眼都不能轉。
•網民乙：應該用孖B車好啲。
•網民甲：15年前了。
資料來源：Candip Wong＠facebook
相關閱讀：港鐵外傭單手扯BB車搭扶手梯 乘客攔截不聽：狀況有點危險！↓↓↓↓
有網民在港鐵堅尼地城站，遇見一名外傭竟以彎身單手方式，扯實BB車搭扶手電梯，險象環生，該網民出手攔截，但該外傭不聽，一意孤行，連下兩條扶手梯，「狀況有點危險」。該網民在「西環變幻時」FB專頁發帖，講述事件如下↓↓↓↓
