張達倫開心晒BB的超聲波片。無線處境劇《愛‧回家》中的「嚴謹」張達倫，去年底與拍拖兩年的圈外女友陳鳳玲拉埋天窗，結婚未夠半年，努力「造人」的張達倫今日在微博拍片報喜，宣佈「造人」成功！恭喜恭喜！圈中好友楊明、莊思明、高海寧，以及《愛‧回家》的好兄弟黎諾懿、徐榮等人都拍片恭賀張達倫做準爸爸。張達倫亦開心分享BB的超聲波片，並開心道：「係呀！我就嚟做爸爸！多謝大家嘅支持，唔使再擔心我！雖然大家到今時今日都仲係催緊我生BB咁，依家唔使催啦。」張達倫賣關子不透露BB性別，但抵死地說：「睇下我嗰個同「小春雞」（黎諾懿囝囝）爭「包包」（徐榮囡囡），定係包包同我嗰個爭小春雞。黎諾懿、徐榮你哋想點？」已為人父的「馬壯」黎諾懿恭賀張達倫。莊思明話說當日張達倫結婚，恨生B的他曾表示見黎諾懿結婚兩年都未有B，搞到自己驚驚哋。冇幾耐好友黎諾懿就宣佈老婆大肚，早前囝囝「小春雞」都出埋世，如今到張達倫報喜，《愛‧回家》的班底好事連連。楊明、高海寧
